Deché-delé

Kan vo dèvejâdè in patê, vo fédè a-kotô dè trovâ lè mo djuchto. Ma, vo j’alâdè rèmârkâ ke bin chovin, on châ pâ chin ke l’è vertâbyamin djuchto!

Nouthron bi tyinton l’è bin retso dè linvouè. La Chindzena l’a kotyè patê bin diferin. La Bâcha, a Friboua l’a on galé mèhyo dè tutche è dè franché, garni dè patê. Che vo j’alâdè pêr d’Avô, l’è adi oun’ôtra mujika. Adi-apri, on aprin on mache dè drôlèrâ, k’on a djamé oyu!

Chin ke fâ la retsèthe dè nouthron payi l’è nouthrè diferinthè, nouthrè linvouè è achebin nouthrè j’akchan. L’è veré ke lè j’akchan chè pêjon, lè bin damâdzo, irè nouthra kârta d’idantitâ.

Anfin, to chin po vo dre dè pâ oubyâ dè vouêrdâ on piti bokon dè to chin. No puin dèvejâ din n’inpouârtè tyinta linvoua, ma, chin dre dou mô lè j’on di j’ôtro.

ANNE MARIE YERLY

…