Ma ouê, vo le krêdè poutithre pâ, ma le patê fâ dza on galé rètoua. Lè patêjan dou tyinton, hou di j’amikalè dè totè lè kotsè, chè chon rètovâ in achinbyâyè.

Apri totè lè fâchè ke la kouêrla no j’a fê, le patê l’è pâ j’ou atakâ, i konyè pâ le Virus! I parè mimamin ke lè j’otoritâ van le betâ ou programme di j’èkoulè. Le patê chè tsantè parto, è di novi tsan.

On chovinyi mè rèvin du l’i a bin grantin: Din lè j’an thinkanta, no dzuyivan on téâtro in patê vêr-no. On omo chuti kemin pou, è bon patêjan no j’a de: «Vo j’ê adi de la tsanthe dè povê dzuyi in patê, ma vo chédè, vo j’ithè lè dêri, le patê l’è fotu!».

Inke don, chaptante an apri, cht’i furi , l’an dzuyê pâ yin de na djijanna dè pithè dè téâtro, deché è delé din le tyinton! Ditè-mè pâ ke l’è fotu.

Anne Marie Yerly

Il est bien de retour

Mais oui, vous ne le croyez peut-être pas, mais le patois fait un joli retour. Les patoisants du canton et ceux des diverses amicales, se sont retrouvés en assemblée.

Après toutes les farces que la pandémie nous a faite, le patois n’a pas été atteint, il ignore le Virus! Il parait même que les autorités vont le mettre au programme des écoles. Le patois se chante partout, et ce sont de nouveaux chants.

Un souvenir me revient d’il y a bien longtemps: dans les années cinquante, nous jouions un théâtre patois chez nous. Un monsieur cultivé comme peu, et bon patoisant nous a dit: «Vous avez encore de la chance de jouer en patois, mais vous savez, vous êtes les derniers, le patois est fichu!»

Voilà que, septante ans plus tard, on a joué pas loin d’une dizaine de pièces de théâtre ici et là dans le canton. Ne me dite pas qu’il est fichu!

Anne Marie Yerly