Tchin piéji dechando pachâ d’oure chu le «site» de La Grevire è in d’apri dè yêre din «Deché-delé» le galé papê dè Romain Pittet ke chè rèdzoyè dè poui rè alâ tsantâ le mi dè mé avu lè dzouno dè chon velâdzo. To le mondo atin avu piéji chi momin dè rè oure lè tsan di j’infan, pu di dzouno, le dèvêlné, ke no j’anonthon le furi avu ha galéja kothema dou premi dè mé, intarâye dou j’an dè tin, on châ por tyè.
Avu Romain Pittet, no j’an trovâ on dzouno ke l’a a kâ dè dèvejâ in patê. A la darire athinbyâlye di patèjan d’la Grevire a Vuadin, Romain no j’a intrètinyê de l’èchpèrianthe ke l’a fê din le kâdre dè chon mihyi a vinyi dè réjan, in rinkontrin di j’infan a Tsarmê, po lou fére a konyèthre l’aproutse dou patê, avu di mo chinyifyi chu di dju dè kârtè. Chin l’è ouna bouna novala po mantinyi nouthron patê. È choche va chè fére to bounamin din lè j’èkoulè premire du tyinton. Ma po le momin, l’è tyè ou bon volê di mêtre d’èkoula. Avu lè kour dè patê ke chè bayon dza din prâ dè j’èkoulè chèkondére, nouthra linvoua di j’anhyan rèprin ya. È achebin avu di dzouno kemin Romain on pou tyè ch’in rèdzoyi è prou chur ke lè j’infan ke va konyèthre, kan cherè réjan, tsantèron in patê le premi dè mé.
Avu Anne Marie, no cherin achebin benéje dè le rètrovâ on dzoa avu no deché d’la chê.
Vonvon Kolly
La relève montre son nez
Quel plaisir samedi passé d’entendre sur le site de «La Gruyère» et après de lire dans «Deché-delé» le joli papier de Romain Pittet qui se réjoui de pouvoir à nouveau aller chanter le mois de mai avec les jeunes de son village. Tout le monde attend avec plaisir le moment de réentendre les chants des enfants, puis des jeunes, le soir, qui nous annoncent le printemps avec cette jolie coutume du premier mai, enterrée durant deux ans, on sait pourquoi.
Avec Romain Pittet, nous avons trouvé un jeune qui a à-cœur de parler patois. A la dernière assemblée des patoisants, à Vuadens, Romain nous a entretenu de l’expérience qu’il a faite dans le cadre de son métier à venir, enseignant, en rencontrant des enfants de Charmey, pour leur faire connaître l’approche du patois, avec des mots illustrés par des jeux de cartes. Cela est une bonne nouvelle pour maintenir notre patois. Et cela va se faire tout gentiment dans les écoles primaires du canton. Mais pour le moment, ce n’est qu’au bon vouloir des maîtres d’école. Avec les cours de patois qui se donnent dans beaucoup d’écoles secondaires, notre langue des anciens reprend vie. Et aussi avec des jeunes comme Romain, on ne peut que s’en réjouir. Sûrement, les enfants qu’il va connaître quand il sera régent chanteront en patois au premier mai.
Avec Anne Marie, nous serons aussi contents de le retrouver un jour avec nous de ce côté de la haie.
Vonvon Kolly