Grantin, du Machin, no vouityivan du yin le lé d’la Grevire. Ma ora k’on fâ tyè ouna kemouna avu Vupin lè bouênè totson achebin lè ruvè dou lé. Li-yè po chin ke dariremin la kemouna l’a, kemin di j’ôtrè j’indrê, partichipâ a l’akchyon «Kou dè remache». Apri Gumefin, yô l’afére l’a bin martchi, lè dzin chon jou invitâ a chè chayi po nètèyi lè ruvè dou lé. Apri chi krouye tin dè Covid, chin l’a bayi l’èpâhyo dè rèvêre dou mondo è dè pachâ achurà on bon momin.

L’è totafé bin trovâ dè rekemandâ le rèchpè d’la nature è dè pâ léchi trinâ chè richto ninpouârtè yô. Avu Bob Morlon, k’lè konyu yin-lârdzo, no j’an in Grevire kôkon ke châ le fére a chintre outouâ dè li è ke va achebin intrètinyi lè j’infan din lè j’èkoulè. Chin lè ôtyè dè bin trovâ.

A propou dou lè d’la Grevire, mè chovinyo kin mil-nouthin karantè-vouète – l’avé dodz’an – la goye l’a keminhyi a montâ. Chti an inke, ou furi, l’avé dèmandâ a mon réjan Chobaz d’avi kondji on dzoua po fére la poya avu le tropi dou Gran Philippe a Vupin, è montâ tantyè d’amon dè Granvelà. Arouvâ ou Truyo, on kou ke le tropi l’è jou bin in tsan, lè j’armayi chè chon trovà ou trintsâbyo po bêre kartèta. A chi momin - no j’èthan din lè premi dzoua dè juin - l’é oyu Adolphe ke dejê: «È bin vouè le lé i règoyè ou pon dè Korbêre». Chin mè chobrâ. La kotse dè Granvelà, chè tsalè è lè vani, m’an achebin chovin rèyu.

Vonvon Kolly

Notre lac de la Gruyère

Longtemps, depuis Marsens, on voyait de loin le lac de la Gruyère. Mais maintenant qu’on fait qu’une commune avec Vuippens, les bornes touchent aussi les rives du lac. C’est pour cela que dernièrement, la commune a, comme d’autres endroits, participé à l’action «Coup de balai». Après Gumefens, où l’affaire a bien marché, les gens ont été invités à se sortir pour nettoyer les rives du lac. Après ce mauvais temps de Covid, cela a donné l’occasion de revoir du monde et de passer sûrement un bon moment.

C’est tout-à-fait bien trouvé de recommander le respect de la nature et de ne pas laisser traîner ses restes n’importe où. Avec Bob Morlon qui est connu loin à la ronde, nous avons en Gruyère quelqu’un qui sait le faire sentir autour de lui et qui va aussi entretenir les enfants dans les écoles. Cela c’est quelque chose de bien trouvé.

A propos du lac de la Gruyère, je me souviens qu’en 1948 – j’avais 12 ans – la gouille commençait à monter. Cette année-là, au printemps, j’avais demandé à mon régent Chobaz d’avoir congé un jour pour faire la montée à l’alpage avec le troupeau du Grand Philippe à Vuippens, et monter jusque d’en-haut de Grandvillard. Arrivés au Truyo, une fois que le troupeau était bien en champ, les armaillis se sont trouvés dans le local où on fait le fromage pour boire un verre. A ce moment – on était dans les premiers jours de juin – j’ai entendu Adolphe qui disait: «Eh bien, aujourd’hui, le lac remonte depuis le pont de Corbières». Cela m’est resté. La contrée de Grandvillard, ses chalets et les vanils, m’ont aussi souvent revu.

Vonvon Kolly