Nouthron piti payi l’è bin konplikâ, katre linvouè ch’inkemahyon l’ena din l’ôtra, kemin lè pâ pèrmè. Vo vêdè kemin l’an dou mô dè ch’intindre parmi lè j’otoritâ. Le Palè Fèdèral l’è pyin dè tradukteu po ke to alichè mi. L’è poutithre po chin ke va tan grantin po prindre na dèchijyon.  

Tyè ke n’in chàbrè dè hou linvouè? La linvoua di Grijon, le romanche, l’è gayâ kemin nouthron patê, l’a dou mô dè chuêdre. Lè Chuiche-Aleman, l’an vouêrdâ ti lou patê, rèchpè! Ma l’an achebin dou mô avui le boun’Aleman. Ou Tessin achebin, n’in d’a prà ke dèvejon in aleman, l’an on bokon oubyâ le Tichinese.

No j’ôtro, lè Reman, i parè ke no dèvejin le franché. Ma tyin franché, chôpyé? I dyon ke le patê ch’in-va, ma le franché prin le mimo tsemin. On intin djamé tot’ouna frâje chin ke l’i ôchè dutrè mo in anglé. Le mindro piti mèchâdzo èkri, l’è gravalâ dè fôtè. I fan rin-mé dè diktâ din lè j’èkoulè. La lèktura,è lè balè poéji, i pâchon par dèchu.

 Nouthron fanché l’è portan tan bi è retso, damâdzo.

Anne Marie Yerly

Nos langues

Notre petit pays est bien compliqué, quatre langues s’entre-mêlent l’une dans l’autre, comme ç’est pas permis. Vous voyez comme on a du mal à s’entendre parmi les autorités. Le Palais Fédéral est plein de traducteurs pour tout aille mieux. C’est peut être pour cela que tout va si longtemps à prendre une décision.

Que reste-t-il de ces langues? La langue des Grisons, le romanche, est presque comme notre patois, elle a du mal à suivre. Les Suisses-Allemands ont gardé leurs dialectes, respect! Mais ils ont aussi de la peine avec le bon allemand. Au Tessin aussi, beaucoup parlent allemand, ils ont un peu oublié le Tichinese.

Nous autres Romands, il paraît que nous parlons français. Mais quel français, s’il vous plait? On dit que le patois s’en va, mais le français prend le même chemin. On entend  jamais une phrase entière sans qu’il y ait deux ou trois mots anglais. Le moindre petit message écrit, est bourré de fautes. L’on ne fait plus de dictée dans les écoles. La lecture, les belles poésies, on passe par-dessus!

Notre français est pourtant si beau et riche, dommage!

Anne Marie Yerly