Du ke le mondo l’è mondo, l’i a prà d’afére ke l’an tsandji. Ma, l’i a achebin di tsoujè ke douron, è pâ tyè di balè. Le pye viyo mihyi dou mondo, pâ fôta dè vo j’èchplikâ chin ke l’è, è bin, i chè pôuârtè adi bin! Din totè lè kotsè, l’i a on «indrê tsô»!
Ma l’i a kan-mimo ôtyè ke m’a totavi èthenâ: portyè prà dè j’omo mèprêjon «hou fiyè dè dzouyo»? Adon ke, che l’i alâvan pâ-mé, n’in d’aré rin-mé!
Mè rèvin djuchtamin l’avantura ke l’è arouvâye a ouna fiye, l’i a dè chin bin grantin. Poura, dzounèta, è pâ tan chutya, fajê chin «po rindre chêrvucho» è chuto po medji a cha fan! Bin chure k’adon, l’avan rin dè moyin dè prèkôchyon; chè trovâye «inbarachya» kemin i dejan adon. Chon chènia l’a invouya chè dènonhyi ou Dzudzo dè Pé. L’i avê tyè chin a fére, la fiye irè koupâbya, è le bâchko mèpriji!
Le Dudzo l’i a dèmandâ: «Nekoué l’è le chènia?» Bin chure ke n’in chavi rin, ou bin i oujâvè pâ le dre. L’i avê di grô bounè ke l’i avan pachâ. Adon, to chinpyamin l’i a rèbrekâ: «Moncheu le Dzudzo, achètâdè-vo chu na budzenêre, pu apri, ditè-mè tyin l’è le budzon ke vo j’a pekâ?»
Anne Marie Yerly
Affaires de fourmi
Depuis que le monde est monde, il y a beaucoup de choses qui ont changé. Mais, il y a aussi des choses qui durent, et pas que de belles. Le plus vieux métier du monde, pas nécessaire de vous expliquer ce que c’est, et bien il se porte encore bien. Dans tous les coins, il y a un «endroit chaud»!
Mais il y a quand même quelque chose qui m’a toujours étonnée: pourquoi bien des hommes méprisent-ils autant «ces filles de joie»? Alors que s’ils n’y allaient plus, il n’y en aurait plus!
Me revient justement l’aventure qui est arrivée à une fille, il y a bien longtemps. Pauvre, jeunette, pas trop maligne, elle faisait cela «pour rendre service» et surtout pour manger à sa faim! Bien sûr qu’alors, il n’y avait pas les moyens de contraception; elle s’est trouvée «embarrassée» comme on disait alors. Son père l’a envoyée se dénoncer chez le Juge de Paix. Il n’y avait que cela à faire, la fille était coupable et le bâtard méprisé.
Le Juge lui a demandé: «Qui est le père?» Bien sûr qu’elle n’en savait rien, ou bien elle n’osait pas le dire. Il y avait de gros bonnets qui avaient passé. Alors, tout simplement elle a répliqué:
«Monsieur le Juge, assoyez-vous sur une fourmilière, et après, dites-moi quelle fourmi vous a piqué?»
Anne Marie Yerly