La tsanthon A Molèjon no kontè totè lè kalitâ dè ha galéja montanye. Chi fameu «Mol» l’è on bokon Le Parnasse di Gruvèrin.

Vo puédè l’i alâ a pi, in oto on fyê tro, in télé-kabine è mimamin in grapiyin la via ferrata. D’evê vo puédè l’i fére dou chki, li a di fêrmo galéjè pichtè. Ou ketsè, pâ rintyè dou bi, ma, fô chin ke fô, ke l’an de!

«In Pyané no j’arin, tyinta tsanthe, dè la hyà in abondanthe» ke di la tsanthon. È bin, vo puédè mè krêre, n’in d’a. Dou lathi trintyi? Kô-l’é ke n’in fâ adi? Ma, che la chê vo prin, in chi tsô-tin, è bin Bouna Fontanna l’è to pri.

De la grachèta, dou prin-pyantin, di brinlètè dè vani, la bal-èthêla chuvin yô: ti hou bi botyè charvâdzo van vo j’intrètsantâ. Ma, chôpyé, alâdè pâ lè ramachâ! Lè tchivrè, lè tsamo,van rèyi to chin, i medzon tyè chin ke l’ou…