Chi tsôtin, l’è bin tsô. Ti lè dèvêlené, i féjo la korcha a la kokache! Ma, chin mè grâvè rin, le kurti ch’in rèdzoyè, è mè achebin.

Botyè è kurtiyâdzo krèchon alêgramin. Lè mônè achebin, kemin dè djuchto. D’ayeu, l’i a rin dè krouyè j’êrbè, l’an totè ôtyè dè bon. Ma, bin chure lè fô kan-mimo trére.

On bi matin, l’é apêchu ke prà dè pyantè l’iran gravalâyè dè pyà, nê è dèginyà. Kemin fére? L’é pâ l’akothema dè li betâ de la pojon, din mon kurti. Ma hou poutè bithè, fayê lè tséhyi. L’é moujâ ou venégro, ou chavon nê , a l’u bènête poutithre? On dzoua ou dou l’an pachâ. L’i moujâvo pâ-mé tan.

Chu anfin rè-jelâye vouityi. È bin, krêdè-mè, di pyà nê n’in d’avê gayâ rin-mé. Di galéjè bèthètè rodzè l’è j’avan avalâ, ouna redâye dè pevôlè, di Bithè a bon Diu… l’u bènête poutithre!

Chin ke vo trovâdè din vouthron kurti vo kothè pou d’afére, è vo chédè chin ke vo medjidè.

Anne Marie Yerly

Bonne nature

Cet été est bien chaud. Tous les soirs je fais la course à l’arrosoir.  Ça ne me fait rien, le jardin s’en réjouit, et moi aussi.

Fleurs et légumes croissent allègrement. Les mauvaises herbes aussi, comme de juste. D’ailleurs, il n’y a pas de mauvaises herbes, elles ont toutes quelque chose de bon. Mais bien sûr, il faut quand même les arracher.

Un beau matin, j’ai aperçu que plusieurs plantes étaient envahies de poux, noirs et dégoutants. Comment faire ? Je n’ai pas l’habitude d’y mettre du poison, dans mon jardin. Mais ces vilaines bêtes, il fallait les chasser. J’ai pensé au vinaigre, au savon noir, à l’eau bénie peut être ? Un jour ou deux ont passé. Je n’y pensais plus guère.

Je suis enfin retournée voir. Et bien, croyez-moi, de poux noirs il n’y en avait presque plus. De jolies petites bêtes rouges les avaient avalés : une nuée de coccinelles, des bêtes à bon Dieu…l’eau bénite peut être !

Ce que vous trouvez dans votre jardin ne vous coûte pas grand-chose, et vous savez ce que vous mangez.

Anne Marie Yerly