Deché-delé

A l’èpâhyo dè la Fitha dè la Montanye è dou Lé, ke ch’è tinyête ou Lé d’Omêna, lè vint’è trè è vint’è katro dou mi dè juyè, Carmen
Butsiyi, Dzâtyè Jenny è mè, no j’an j’ou le pyéji dè tinyi on bantsè po prèjintâ è fére a dèkrouvâ nouthron galé patê.

Din ouna kantena bondâye, no j’an kontâ, in patê, di lèjandè in rapouâ avu chi bi Lé d’Omêna. Avu oun’inpartya di dzouno j’akteu gruvèrin, no j’an dzuyê on pachâdzo dè la pithe Dè la bije, di j’inpou è… tyè onkora? Lè chpèktateu chon j’ou intrètsantâ è l’an prà fyê di man.

Le dechando, a la vèprâ, no j’an j’ou la vijita di dzoyà barbu dè la Grevire. Dè binda avu là, no j’an tsantâ è rèdzoyi ouna redâye dè kà. No j’an achebin, j’ou l’èpâhyo dè rinkontrâ di patêjan ke vinyan d’ôtrè kotsè dou payi reman. No j’an dèvejâ avu di Valijan,…