Vo chédè, ke bin di kou, on chè dèmandè du yô vinyon lè non dè chartin j’indrê. Prà d’intrè-là l’an, du l’i a grantin, inchpirâ di lèjandè ke vôlon d’ouna botse a l’ôtra. Ma no chin badê dè krêre a chin k’on và. Ora, m’in vé vo j’in kontâ ouna :
On yâdzo, din nouthron bi payi, vanglâvè on monchtramin grô l’omo k’irè a non Gargantua. L’avê ouna grôcha è pouta titha. Chè nari è chè j’oroyè iran kemin di grôchè è chonbrè kavêrnè. L’avê lè pi tan lârdzo è tan pèjan, k’akouèthrâvè totè lè dzà è ti lè tsalè rinkontrâ chu chon pachâdzo. Kan i chumiyivè, chè ronhyèmin, fajan a frebiyi la têra è lou rèfrenâyè kôjâvan prà chovin di lèvantsè dè pêrè.
On dzoua ke chôrkèyivè pê le bala kotse dè Tsarmê, l’a j’ou l’invide d’alâ gugâ dè l’ôtra pâ di montanyè. Chin brontchi, d’ouna vayinta tsathanye, l’a pèrhyi lè rotsè chètsârdè di Gachtiyè po fére le pachâdzo ke l’è a non, «Lè Pouârtè dè Chavinyi».
On ôtro kou, l’a tinprâ chè grô pi mônè din le lé d’Omêna. Le grô mangounèri l’a tan kontchi l’ivouè dè chi piti lé, ke chtiche l’è adi nê ou dzoua d’ora.
L’a fê adi prà dè j’ôtrè frachkè ma, la gajèta cherè tru pitita po totè vo lè kontâ. Ache, vo lécho lè dèkrouvâ din kotyè lêvro.Bèrnâ Chaney

A ce que l’on dit

Vous savez que bien des fois, l’on se demande d’où viennent les noms de certains endroits. Beaucoup d’entre eux, depuis longtemps sont inspirés des légendes, qui volent d’une bouche à l’autre. Mais nous sommes libres de croire à ce que l’on veut. Maintenant je m’en vais vous en raconter une.
Dans le vieux temps, dans notre beau pays, rôdait un énorme et grand homme qui s’appelait Gargantua. Il avait une grosse et vilaine tête. Ses narines et ses oreilles étaient comme de grosses et sombres cavernes. Il avait les pieds si larges et si lourds, qui écrasaient toutes les forêts et tous les chalets rencontrés sur son passage. Quand il sommeillait, ses ronflements, faisaient trembler la terre et leurs vibrations causaient souvent des avalanches de pierres.
Un jour qu’il traînait ses galoches dans la belle région de Charmey, il eut envie d’aller guigner de l’autre côté des montagnes. Sans broncher, d’un vaillant coup de poing, il a percé les roches maigres et sèches des Gastlosen, pour faire le passage appelé «Les Portes de Savigny».
Une autre fois, il a trempé ses grands pieds sales, dans le lac d’Omêne. Le gros malpropre a tant sali ce petit lac que celui-ci est encore Noir aujourd’hui.
Il a fait encore bien d’autres frasques mais, notre journal serait trop petit pour vous les raconter. Aussi, je vous laisse les découvrir dans quelques livres.