Derin le mi d’oktôbre, dou chindika dè pê vêr no l’an fê lou fithè.
Po keminhyi, l’è ou Dèfènan ke lè tropi dè tchakè-rodzè dou Tsathèlâ è di j’alintoua chè chon rètrovâ. Pachâ cha-than bithè nyâyè po l’okajyon ou mitin dou patyi. Di balè rintsè: a tsakon chon tropi, a tsakon cha batèri. Ôtyè dè bi po lè j’yè! Môgrâ la pyodze, le chèlà irè din le kà di dzin!
Ouna chenanna apri, l’è a Èthavanin ke lè tchakè-nêrè chè chon rètrovâyè. Ou mitin di balè kolà di montanyè, dèkouthè la fêrma di Tsô, l’è din le dzouyo ke lè j’amateu dè nêrè l’an promenâ lou vatsè.
I duvè pyathè, on mache dè mondo l’è vinyê po vouityi arouvâ è modâ lè tropi hyotstâ. Di balè chenayè chon jou brodâyè po l’okajyon.
L’è vré k’Èthavanin è le Tsathèlâ iran di velâdzo bin konyu po avi a tsakon lou chouârte dè vatsè. Irè pâ tyèchyon dè chin mèhyâ! Ma chti kou, i duvè pyathè, on povi apèchouêdre kotyè vatsè dè l’ôtra kolà… Ou dzoua d’ora, lè kritére l’an tsandji.
Hou ke l’an organijâ hou jubilé l’an fê on lordo travô. L’an bin ravuchê lou fithè yô lè dzin l’an j’ou dou bouneu dè chè rèvêre è partadji di bon momin. Bravô a totè è ti!
Romain Pittet
Des tachetées-noires, des tachetées-rouges
Durant le mois d’octobre, deux syndicats de par chez nous ont fait leurs fêtes.
Pour commencer, c’est au Défénant que les troupeaux de tachetées-rouges du Châtelard et des alentours se sont retrouvés. Passé 700 bêtes attachées pour l’occasion au milieu du pâturage. Des belles rangées: à chacun son troupeau, à chacun sa batterie. Quelque-chose de beau pour les yeux! Malgré la pluie, le soleil était dans le cœur des gens!
Une semaine après, c’est à Estavannens que les tachetées-noires se sont retrouvées. Au milieu des belles couleurs des montagnes, à côté de la ferme des Chaux, c’est dans la joie que les amateurs de noires ont promené leurs vaches.
Aux deux places, beaucoup de monde est venu pour regarder arriver et partir les troupeaux «enchenaillés». Des belles sonnailles brodées ont été faites pour l’occasion.
C’est vrai qu’Estavannens et le Châtelard étaient des villages bien connus pour avoir à chacun leur race de vaches. C’était pas question de mélanger ça! Mais cette fois, aux deux places, on pouvait apercevoir quelques vaches de l’autre couleur… Au jour d’aujourd’hui, les critères ont changé.
Ceux qui ont organisé ces jubilés ont fait un gros travail. Ils ont bien réussi leurs fêtes où les gens ont eu du bonheur de se revoir et partager des bons moments. Bravo à toutes et tous!
Romain Pittet