Ma Grevire, l’è djuchtamin ha ke vo j’i din lè man, ha ke vo j’ithè intrin dè yêre. È bin ha Grevire, l’é jou l’anà dè la fére. Iro «linotypiste», chin vou a dre ke tranchlatâvo lè j’èkri di rèdakteu in pyon. Chin l’a derâ tantyè in mil-nouthin vouètantè-trè, kan no j’an pachâ a «l’informatique». L’é chuèvu, ma l’è j’ou pènâbyo. Irè on ôtro mihyi.
Djuchtamin, ma Grevire l’a jou than karant’an, dariremin, ou mi d’oktôbre. In vouètantè-dou, po lè thant’an, no j’avan chayê ouna Grevire dè karantè-vouète pâdze, tot’in pyon. L’è pâ jou on piti l’afére.
Ma kotyè dzoua apri no j’an partichipâ a la granta fitha dou thantenéro. L’è on to bon chovinyi. Chu la Pyathe dou Martchi, la fitha irè po to le mondo, avu totè chouârtè dè dèmorichè. Por no, lè j’ôvrê è lè j’invitâ, apri «l’apéro», l’è jou le momin dè chè betâ a trâbya po ouna granta vouêrba. No j’an jou drê i gormandi intyire d’la bénichon. Apri ti lè dichkour è lè bi tsan dou kà di j’armayi, no chin chayê dè trâbya apri chat’àrè.
Dèvan chi thantenéro, i vêyo adi G.G., dêrê ouna granta trâbya a l’ateyé, ke foyivè di j’anhyannè Grevire po rètrovâ totè lè j’akroutsichè ke chèthan pachâ du mil-vouèthin vouètantè-dou. Apri to chin k’la trovâ, G.G., l’a chayê on bi lêvro «De la diligence à la lune». Maliràjamin, chi ke l’avé fê la rènomâ d’La Grevire, no j’avi tchithâ kotyè mê dèvan la fitha. La Grevire ne pou pâ l’oubyâ.
Vonvon Kolly
Ma Gruyère
Ma Gruyère, c’est justement celle que vous avez dans les mains, celle que vous êtes en train de lire. Et bien cette Gruyère, j’ai eu l’honneur de la faire. J’étais linotypiste, ce qui veut dire que je transformais le texte des rédacteurs en plomb. Cela a duré jusqu’en 1983, quand nous avons passé à l’informatique. J’ai suivi, mais ça été pénible. C’était un autre métier.
Justement, ma Gruyère a eu 140 ans dernièrement, au mois d’octobre. En 1982, pour les 100 ans, nous avions sorti une Gruyère de 48 pages, tout en plomb, ça n’a pas été une petite affaire.
Mais quelques jours après, nous avons participé à la grande fête du centenaire. C’est un tout bon souvenir. Sur la Place du Marché, la fête était pour tout le monde, avec toutes sortes d’amusements. Pour nous, les ouvriers et les invités, après l’apéro, ça été le moment de se mettre à table pour un long moment. Nous avons eu droit aux gourmandises entières de la bénichon. Après les discours et les beaux chants du Chœur des armaillis, nous sommes sortis de table après 19 heures.
Avant ce centenaire, je vois encore G.G., derrière une grande table à l’atelier, qui fouillait des anciennes Gruyère, pour retrouver tous les événements importants qui s’étaient passés depuis 1882. Après tout ce qu’il a trouvé, G.G. a sorti un beau livre « De la diligence à la lune ». Malheureusement, celui qui avait fait la renommée de La Gruyère, nous avait quittés quelques mois avant la fête. La Gruyère ne peut pas l’oublier.
Vonvon Kolly