N’in d’a achurâ ke konyon mon pér’gran Frèdon Yêrle ke l’è modâ ou Kanada li a dè chin trintè katr’an avu ma mér’gran Elisabeth è katro dè lou chi j’infan.

Du to piti, i âmo akutâ mon pér’gran no kontâ chè chovinyi. Di kou in patê, di kou in franché, Frèdon l’a todoulon on grô pyéji dè no kontâ chè pititè j’ichtouâre. N’in d’a di pye viyè tyè di j’ôtro, n’in d’a di pye trichtè, ma chuto proumatêre ke bayon a rire!

N’in d’a ouna ke chè pachâye li a dza on pâr dè j’an a Morlon, adon ke lè radikô l’avan ouna rinkontra ou Gruvèrin. In chi tin, irè pâ rin tyè la Politike. Ti lè gran prèkô dèvejâvan lè premi. Prou chouvin, pou fourni, irè le toua d’Elie Buthâ, chindike dè Grevire è dèputé. Elie irè konyu po chon pechin beta-fro. I rondjivè pâ chè mo è dejê chin ke moujâvè. Din cha kemouna, i fajê le konchèye in patê. Din ha rinkontra, apri kotyè vêro, l’è adon ke vin a chon toua dè dèvejâ. I chobrâvè pâ bin ôtyè a dre apri ti hou grô politikâre. Elie ch’abadè è di in patê avu cha grôcha vouê: «Radikô dè Morlon! Kranpounâdè-vo!» Chin l’a adon betâ oun’anbiyanthe dou dyâbyo è lè chomyére l’an j’ou prou chur dou travô po ‘na vouêrba!

Romain Pittet

Un souvenir à Frèdon

Il y en a sûrement qui connaissent mon grand-papa Frèdon Yerly qui est parti au Canada il y a de ça 34 ans avec ma grand-maman Elisabeth et 4 de leurs 6 enfants.

Depuis tout petit, j’aime écouter mon grand-papa nous raconter ses souvenirs. Parfois en patois, des fois en français, Frèdon a toujours un grand plaisir de nous raconter ses petites histoires. Il y en a des plus vieilles que d’autres, il y en a des plus tristes, mais surtout beaucoup qui donnent à rire!

Il y en a une qui s’est passée il y a déjà pas mal d’années à Morlon, alors que les radicaux avaient une rencontre au Gruyérien. En ce temps, ce n’était pas rien que la politique. Toutes les grandes personnalités parlaient les premiers. Très souvent, pour finir, c’était le tour d’Elie Bussard, syndic de Gruyères et député. Elie était connu pour son aisance à parler. Il ne ruminait pas ses mots et disait ce qu’il pensait. Dans sa commune, il faisait le conseil en patois. Dans cette rencontre, après quelques verres, c’est alors qu’il vient à son tour de parler. Il ne restait pas grand-chose à dire après ces grands politiciens. Elie se lève et dit en patois avec sa grosse voix: «Radicaux de Morlon! Cramponnez-vous!». Ceci a mis alors une ambiance du diable et les sommelières ont eu certainement du travail pour un moment!

Romain Pittet