Du tin j’in tin, atrapo l’invide dè dèvejâ dè nouthra velèta dè Bulo.
Ma toparê! Chu tâko bin tyè? L’è pâ mé ouna velèta. Chè ruvè chon dèvinyêtè tan lârdzè ke lè j’oto, lè pèklô è lè trotinètè ch’inkobyon mé tyè dèvan. Lè dzin chè konyechon pâ mé è prà chovin, chè pelon lè potè por on ouê ou bin on na. L’i a dè chin ouna karantanna dè j’an kan le dechando, i rintrâvo dè l’apèrô, konyeché tan dè mondo ke l’avé fôta d’ouna demi àra, che l’è pâ d’oun’àra, po dèchindre la Granta-Ruva. Vouè, l’è pye granta, ma le féjo a pêna in dji menutè.
To chin po vo dre k’apri la Toula, la gâre, pèrdenâdè-mè, chôpyé! «Le velâdzo» è adi bin d’ôtro j’indrê, nouthrè prèkô l’an dèchidâ dè léchi a di pèrchenâdzo chovin néji, le choin d’èchpèdyâ ôtra pâ lè vatsè è lè modzon ke rupon pêjubyamin la toupa dou Terraillet. Ma, po n’in fére tyè?
È bin rè di chouârtè dè grôchè bâtichè, po dre pye djuchto, di poutè dzeniyirè ke prouchur faran a othèyi le renâ. Inke dedin, chakrebleu! Volon lodji dou mil’è nouthin j’ârmè. Chin, mè fâ a moujâ a la renaye ke volê dèvinyi ache grôcha tyè le bà. L’é bin pouêre k’on dzoua, fournechichè pêr éhyatâ! In to ka, kan chin arouvèrè, fudrè pâ ke kontichan chur mè po ramachâ lè bouè. Bèrnâ Chaney
A nouveau un coin de sol herbeux qui part
De temps en temps, j’attrape l’envie de causer de notre petite ville de Bulle.
Mais tout de même! Je suis sot ou bien quoi? Ce n’est plus une petite ville. Ses rues sont devenues tellement larges que les autos, les vélos, les trottinettes, s’encoublent plus qu’avant. Les gens ne se connaissent plus et très souvent, s’engueulent pour un oui ou bien un non. Il y a de cela une quarantaine d’années, lorsque le samedi, je rentrais de l’apéro, je connaissais tellement de monde, que j’avais besoin d’une demi-heure, si ce n’est pas d’une heure, pour descendre la Grand-rue. Aujourd’hui elle est plus longue, mais je le fais à peine en dix minutes.
Tout ça pour vous dire qu’après La Toula, la gare, pardonnez- moi, s’il vous plait! «Le Velâdzo» et encore bien d’autres endroits, nos notables ont décidés de laisser à des personnages souvent douteux, le soin d’expédier autre part les vaches et les génisses qui broutent paisiblement le sol herbeux du Terraillet. Mais… pour en faire quoi?
Et bien à nouveau des espèces de grosses bâtisses, pour dire plus juste, des vilains poulaillers qui sûrement feront tendre le cou au renard. Là-dedans, sacrebleu! Ils veulent loger 2900 habitants. Cela me fait penser à la grenouille qui voulait devenir aussi grosse que le bœuf. J’ai bien peur qu’un jour elle finisse par éclater! En tout cas, Lorsque cela arrivera, il ne faudra pas qu’ils comptent sur moi pour ramasser les boyaux.
Bèrnâ Chaney