Chin fâ dza vintè-dou j’an ke chu a la rètrèta è n’é rin yu pachâ. Fô dre ke chu pâ chobrâ chin rin fére è la chindâ m’a bin idji. Chin ke mè chàbrè dè mèyà chovinyi l’è mon tin pachâ kemin rèchponchâbyo dè kabâna po le «Club alpin» i Pouârtè ou dèchu dè Vuadin. Lè tyin bon momin pachâ lé-hô. I vêyo adi arouvâ dè né lè dzin ke chayivan din la nê ou hyâ dè lena. Chovin, i lé règalâvo d’ouna bouna fondya avu kotyè kou ouna chalârda dè frete, pur-frete, oubin la rèthèta dè Bourvil in tsanthon.
Kan lè dzin arouvâvan dè né ou tsalè, i amâvo bin lè rèchyêdre ou trintsâbyo po l’apéro avu on bon fu outoua dou mourè. Du inke no j’avan ouna yuva a vo rounyi le chohyo chu lè hyiranthe dè la vela du Bulo. Mè chovinyo chuto dou bouneu ke di dzouno rètrètâ l’avan dè fére ouna chayête din la nê avu le fachèyâ Djan-Djan Déforel kemin djido. Lè tchintè ritè no j’an pu fére!
Apri tan dè bon chovinyi è dè tin pachâ lé-hô, avu l’âdzo, i vo deri ke l’é dèpyéyi. In alin min rido l’é totèvi on grô pyéji dè pui onko rèmontâ a pi i Pouârtè. Li-a tan dè galé chindê po i arouvâ è mè chinto din na kotse dè Paradi.
Djuchtamin, a pâ le dechando è la demindze, Lè Pouârtè chon achebin ourâye le demikro tantya la fin d’âvri. Chin pou ithre ouna galéja chayête, avu ou chin la nê.
Vonvon Kolly
Dans la peau d’un retraité
Cela fait déjà 22 ans que je suis à la retraite et je n’ai rien vu passer. Il faut dire que je ne suis pas resté sans rien faire et la santé m’a bien aidé. Ce qui me reste de meilleur souvenir, c’est mon temps passé comme responsable de cabane pour le Club alpin aux Portes, au-dessus de Vuadens. Les quels bons moments passés là- haut! Souvent, je les régalais d’une bonne fondue, avec quelques fois une salade de fruits, purs fruits ou à la recette de Bourvil, en chansons.
Quand les gens arrivaient de nuit au chalet, j’aimais bien les recevoir au local où on fabrique le fromage, pour l’apéro, avec un bon feu autour du foyer. Depuis là on avait une vue à vous couper le souffle sur les lumières de la ville de Bulle. Je me souviens surtout du bonheur que des jeunes retraités avaient de faire une sortie dans la neige avec le farceur Jean-Jean Déforel comme guide. Les quels rires on a pu faire!
Après tellement de bons souvenirs et de temps passé là-haut, je vous dirai que j’ai détellé. En allant moins vite j’ai toujours un gros plaisir de pouvoir encore remonter aux Portes. Il y a tant de jolis sentiers pour y arriver et je me sens dans un coin de Paradis.
Justement, à part le samedi et le dimanche, Les Portes sont aussi ouvertes le mercredi jusqu’à la fin avril. Cela peut être une jolie sortie avec ou sans la neige.
Vonvon Kolly