Du fêrmo grantin, lè dzin dè Morlon l’an totèvi j’ou prou d’èchpri! Dza dou tin dè Mayèta è chon Pèratson, le velâdzo chè fê a konyèthre du bin yin. Po hou ke konyon pâ l’ichtouâre, irè dou viyo j’èpà k’on vêyê pâ chovin ou mohyi. I rogatâvan mimamin po lou konto in tsantin in patê. Mè dèmando bin tyè ke Mayèta è Pèratson l’aran moujâ dè chi projè ke fâ atan batayi. Lè pâ du vouè ke le lé de la Grevire fâ de la chèta bin chur… Dza outoua di j’an karantè kan irè tyèchyon dè le fére, li avê dè tyè menâ l’andyèta ! Portyè on lé? Portyè le batchi le Lé de la Grevire adon ke l’è din la pêra dè Rochin ke le barâdzo l’è j’ou fêrâ po rètinyi le to?
Ou dzoua d’ora, ha galéja goye l’è mé tyè akchèptâye pê lè dzin de la kotse. I fâ mimamin partya dè nouthron «patrimoine». On l’i tin è on âmè la natura ke l’a prê chè mârkè piti a piti outoua dè l’ivouè. On pou mimamin fére on galé toua chu chè ruvè.
A Morlon, on mache dè mondo tràvon ke chi grô projè dè vâg’artifichièle l’a rin a fére din ha kotse. L’è vré ke le tsôtin, pâ tyè la demindze, le tsemin l’è dza gonhyo d’oto è on châ pâ yô parkâ… Po dre djuchto, l’an pâ fôta dè l’ivouè dou lé po chin fére. I puyon bin la fére ou Térayè to pri de la chayête dè l’otoroute. Ma moujâdè on bokon, on vou pâ betâ dè l’ivouè chu la têra adon ke no puyin pâ betâ dou bèton è di bi bouèton a chobrâ chu l’ivouè… L’è adi pâ otorijâ dè fére di grô tinyèmin chu l’ivouè… ma kan l’arè rin mé dè têra, le cherè-the?
Lè dzin dè Morlon chon pâ kontre dè rèamènadji on bokon lè Laviyô, ma volon vouèrdâ lou piti paradi è cha natura. Krêyo ke l’è pâ tyè a Morlon ke moujon dinche… Che Mayèta è chon Pèratson alâvan adi fére lou rogachyon, l’aran pu tsantâ ouna kobya dèpye a lou fameuja tsanthon: «– Dyu, konchêrva nouthra bala goye, chè ruvè è chè piti pèchon! – Dyu t’intindè por dè bon…»
Romain Pittet
Morlon et sa gouille
Depuis très longtemps, les gens de Morlon ont toujours eu beaucoup d’esprit! Déjà du temps de Mayèta et son Pèratson, le village s’est fait à connaître de bien loin! Pour ceux qui ne connaissent pas l’histoire, c’était deux vieux époux qu’on ne voyait pas souvent à l’église. Ils «rogataient» même pour leur compte en chantant en patois. Je me demande bien qu’est-ce que Mayèta et son Pèratson auraient pensé de ce projet qui fait tant batailler. C’est pas d’aujourd’hui que le lac de le Gruyère fait du bruit bien sûr… Déjà autour des années 40 quand il était question de le faire, il y avait de quoi beaucoup parler! Pourquoi un lac? Pourquoi le baptiser le Lac de la Gruyère alors que c’est dans la pierre de Rossens que le barrage a été ferré pour retenir le tout?
Au jour d’aujourd’hui, cette jolie gouille est plus qu’acceptée par les gens de la région. Elle fait même partie de notre patrimoine. On y tient et on aime la nature qui a pris ses marques petit à petit sur ses rives.
A Morlon, beaucoup de monde trouvent que ce projet de vague artificielle n’a rien à faire à cette endroit. C’est vrai que l’été, pas que le dimanche, le chemin est déjà gonflé d’auto et on ne sait plus où parquer. Pour dire juste, ils n’ont pas besoin de l’eau du lac pour faire cela. Ils peuvent bien la faire au Terraillet tout près de la sortie de l’autoroute. Mais pensez un peu, on ne veut pas mettre de l’eau sur la terre alors qu’on ne peut pas mettre du béton et des belles cages à habiter sur l’eau… Ce n’est encore pas autorisé de faire de grands immeubles sur l’eau. Mais quand il n’y aura plus de terre, le sera-t-il?
Les gens de Morlon ne sont pas contre de réaménager un peu les Laviaux, mais ils veulent garder leur petit paradis et sa nature. Je crois que ce n’est pas seulement à Morlon qu’ils pensent comme ça…
Si Mayèta et son Pèratson allaient encore faire leurs rogations, ils auraient pu chanter un couplet de plus à leur fameuse chanson: «- Dieu, conserve notre belle gouille, ses rives et ses petits poissons! - Dieu t’entende pour de bon…»
Romain Pittet