Deché-delé

Kontre la ramire dè cha méjon, on’omo hyoulâvè ouna pankârta chu la tyinta irè èkri: «A vindre katro piti tsin». In chè rèverin, l’a rinkontrâ lè j’yè d’on bouébelè kancho ke li dèmandè:
– Chôpyé! Âmèré bin on dè vouthrè piti tsin.
Adon, l’omo li fâ:
– Te châ mon piti, hou tsin chon dè bouna chouârta, i kothon tchê!

Le bouébelè li rèbrekè:
– L’é kotyè rochè, cherê-the chufijin por in ’atsetâ yon?

L’omo moujè on bokon pu, tchirè lè piti tsin.
Inke katre malôtè dè pê k’akorchon. Lè j’yè hyirin, le bouébelè gugè hou galé piti ma, in vêyin ouna thintyima malôta dè pê ke l’avê dou mô dè ratrapâ lè j’ôtro, le griyo fâ dzoyàjamin:
– L’è li k’âmèré! In ch’abotachin l’omo li di:
– Ma mon piti, tè fô pâ chyêdre chi-inke, l’è tru dèmèrlotâ, i cherè djêmé kapâbyo dè kore è dè dzuyi avu tè!

In…