Vo le chédè achurâ, nouthra gajèta chè yê bin in-delé di frontêre dè nouthron tyinton. Din tota la Chuiche, ma achebin din di j’ôtrè payi. Du dza bin kotyè djijannè d’an, nouthra Grevire fâ le voyâdzo tantyè dè l’ôtra pâ de la goye, ou Kanada. On mache dè famiye dè vêr no ke chon modâ din lè j’an chaptantè, vouètantè ou nonantè por atsetâ on bin l’an vouêrdâ on intèrè po ha gajèta ke kontè on bokon chin ke chè pâchè din le dichtri è mimamin din le tyinton. Kan i chobrâvo ou Québec, mè chovinyo k’irè pâ rin dè vêre La Grevire arouvâ vê mè gran-parin. Chovin ‘na chenanna apri, di kou duvè, ma le pyéji irè inke è i pu vo dre ke ti lè kâro dou papê iran yê! L’è pê pouchta ke nouthra Grevire modâvè po le payi di Karibou. Tantyè ou keminhyèmin dè chti an, la gajèta l’avi adi le drê dè prindre l’avyon. Ma du j’ora, lè tyè mé pochubyo dè la yêre in numèrike. Bin chur ke lè ora on bokon parto dinche, on no j’inkoradzè a chè betâ a la pâdze kemin i dyon. Ma, mè le premi, i âmo adi bin yêre ma Grevire in papê avui ma tacha dè nê! D’ayeu, vo j’ithè pou-t-ithre in trin dè n’in bêre ouna?
Bouna dzornâye!
Romain Pittet
La Gruyère ne peut plus prendre l’avion
Vous le savez sûrement, notre journal se lit bien au-delà des frontières de notre canton. Dans toute la Suisse, mais aussi dans des autres pays. Depuis déjà bien quelques dizaines d’années, notre Gruyère fait le voyage jusque de l’autre côté de la gouille: au Canada. Beaucoup de famille de chez nous qui sont parties dans les années 70-80-90 pour acheter un domaine ont gardé un intérêt pour ce journal qui raconte un peu ce qui se passe dans le district et même dans le canton. Quand j’habitais au Québec, je me souviens que ce n’était pas rien de voir La Gruyère arriver chez mes grands-parents. Souvent une semaine après, des fois deux, mais le plaisir était là et je peux vous dire que tous les coins du papier étaient lus! C’est par poste que notre Gruyère partait pour le pays des caribous. Jusqu’au début de cette année, la gazette avait encore le droit de prendre l’avion. Mais dès maintenant, il est seulement possible de la lire en numérique. Bien sûr que c’est à présent un peu partout comme ça, on nous encourage à se mettre à la page comme ils disent. Mais, moi le premier, j’aime toujours bien lire ma Gruyère en papier avec ma tasse de noir! D’ailleurs, vous êtes peut-être en train d’en boire une?
Bonne journée!
Romain Pittet