L’è drôlo, ma fâ dza kotyè j’an k’on pou dre ke le furi l’è balébin… tinpru! L’è vré ke prou chovin, du le mi dè fèvrê, no j’an dou tsô. Chinbyè ke la natura châ pâ mé che dê dza keminhyi a chè rèvêyi ou bin chobrâ din chon chono. Lè bordzon budzon trantyilamin ma i châvan ke la nê è le frê puyon rèvinyi.
Ou mi dè janvyé no j’an jou on mache dè nê kan mimo. Ma l’afére l’a pâ derâ grantin. L’a kan mimo fê pyéji ou j’amateu dè chki. Prà dè dzin âmon alâ dzubyâ chu hou rupito. Lè chtachyon dè vêr no chufron dou manke dè nê ma chè dèmênon po trovâ di novalè j’idé. I chàbrè adi lè pye grantè pichtè kemin vê nouthrè j’êmi lè medjà dè raklètè.
Ora, le furi l’è rè inke è in montanye lè kenoyètè dou furi chè mothron dza. Dyora, cherè le toua di gotràjè. On pou dza vêre l’è brantsè di j’ârbro bordzenâ è oure l’è j’oji ke rètsanton.
In Chuiche, l’evê durè pâ tru grantin, ma chin fâ dou bin dè vêre la natura ke chè rèvêyè, dè rèvêre lè balè kolà dou furi, lè bi botchè, lè j’â ke rèkeminhyon a trovâ è lè bithè avui lou piti.
Ma fô pâ oubyâ ke la nê pou rèvinyi. Môgrâ l’invide ke no j’an d’alâ dza gratoyi pê le kurti, chêyan pâ tru prèchâ!
Romain Pittet
Nous revoilà au printemps
C’est drôle, mais ça fait déjà quelques années que le printemps est bel et bien… printanier! C’est vrai que très souvent, depuis le mois de février, nous avons du chaud. Il semble que la nature ne sait plus si elle doit déjà commencer à se réveiller ou bien à rester dans son sommeil. Les bourgeons bougent tranquillement mais ils savent que la neige et le froid peuvent revenir.
Au mois de janvier nous avons eu beaucoup de neige quand même. Mais l’affaire n’a pas duré longtemps. Cela a tout de même fait plaisir aux amateurs de ski. Beaucoup de personnes aiment aller glisser sur ces pentes. Les stations de chez nous souffrent du manque de neige mais ils se démènent pour trouver de nouvelles idées. Ils restent encore les plus grandes pistes comme chez nos amis les mangeurs de raclettes.
Maintenant, le printemps est à nouveau là et en montagne, les crocus se montrent déjà. Bientôt, ce sera le tour des narcisses. On peut déjà voir les branches des arbres bourgeonner et entendre les oiseaux qui rechantent.
En Suisse, l’hiver ne dure pas trop longtemps, mais ça fait du bien de voir la nature qui se réveille, de revoir les belles couleurs du printemps, les belles fleurs, les abeilles qui recommencent à butiner et les animaux avec leurs petits.
Mais il ne faut pas oublier que la neige peut revenir. Malgré l’envie que nous avons d’aller déjà gratouiller par le jardin, ne soyons pas trop pressés!
Romain Pittet