In Grevire, lè giron dè mujikè chon organijâ ti lè j’an ke fournechichan pê dou, katro, chate è nà. Chovinyidè-vo, la dêrire fitha irè ou Payi d’Amon, a Rochinyére. L’è pâ chovin! On tro pye yin po kotyè fanfare dou bâ dou dichtri, ma pâ bin yin po ha dè Monbovon!

Chti an, l’è le premi kou ke cherè on an ke fournè pê trè. Pâ fôta dè dre la fôta a kô! L’è adon ou Patchi ke lè fanfare dè nouthron dichtri van chè rètrovâ la fin dè chenanna dou ondzè ou katouârdzè dè mé. Tyin dzouyo por ti lè menèthrê de la Grevire! Le devindro è le dechando, lè pithè dè konkour rèthrenèron pri de la gâre. Le dèvêlené, di galéjè vèyè chon propoujâye kemin on konchê avui on mache dè dzouno de la kotse. La demindze matin, pyathe ou konkour dè mârtsè. Apri le goutâ, kemin dè kothema, on bi kortéje po fére pyéji i j’oroyè è i j’yè!

Din nouthra Grevire è mimamin din nouthron tyinton dè Friboua, no j’an de la tsanthe d’avi adi on mache dè balè chochyètâ dè mujikè. I beton dè la ya din nouthrè velâdzo è mintinyon di galéjè tradihyon.

Bravô a ti hou dzin ke chè bayon po la mujika è ke grantin onko on pouéchè betâ in an di balè fithè dinche!

Romain Pittet

La fête des musiques

En Gruyère, les girons de musiques sont organisés toutes les années qui finissent par 2, 4, 7, 9. Souvenez-vous, la dernière fête était au Pays d’Enhaut, à Rossinière. Ce n’est pas souvent! Un bout plus loin pour quelques fanfare du bas du district, mais pas bien loin pour celle de Montbovon!

Cette année, c’est la première fois qu’elle sera une année qui fini par 3. Pas besoin de vous dire la faute à qui! C’est alors au Pâquier que les fanfares de notre district vont se retrouver la fin de semaine du 11 au 14 mai. Quelle joie pour tous les musiciens de la Gruyère! Le vendredi et le samedi, les pièces de concours résonneront près de la gare. Le soir, des jolies soirée sont proposées comme un concert avec plein de jeunes cadets de la région. Le dimanche matin, place au concours de marches. Après le dîner, comme de coutume, un beau cortège pour faire plaisir aux oreilles et aux yeux!

Dans notre Gruyère, et même dans notre canton de Fribourg, nous avons de la chance d’avoir encore beaucoup de belles sociétés de musiques. Elles mettent de la vie dans nos villages et maintiennent de jolies traditions.

Bravo à toutes ces personnes qui se donnent pour la musique et que longtemps encore on puisse mettre sur pied des belles fêtent comme celle-ci!

Romain Pittet