Tinke on piti mo ke l’é tranchlatâ du on viyo papê di j’an mil-nou-thin è ôtyè, ke dèvejè dè Florian Rime, on pèrchenâdzo on bokon tukan dè pê Bulo.

Florian Rime irè vinyê ou mondo in mile vouèthin vouètant’è vouète. Cha famiye chobrâvè ou pyan-pi dou numèrô trèdzè dè la ruva Victor-Tissot.

A l’ékoula, l’irè on to dèboubenâ, réjon po la tyinta, l’a rèchu le chorènon « Tinpru ». Chi chobretyè li è chobrâ tota cha ya.

Tinpru travayivè di kou, dèjo lè j’ouâdre dè Moncheu Zandali, po la chukurchale dè la brâthèri dou Kardinal, adon chitya dêrê le Kabarè dou « Midi ». Ma le travô ke fajê le mé chovin, l’irè dè menâ a la gâre, po lè j’invagounâ, lè bithè ke lè makinyon dou dèfro adzetâvan a la fêre dè Bulo.

In chi tin, kan dèvechan alâ ou chèrvucho, lè j’omo l’avan le drê dè chè vihyi di j’âyon militéro on dzoua dèvan è, l’è chin ke Tinpru fajê. A on kamerâdo ke chè fotê dè li a rèbrekâ :

- Tyè ke te tè krê? I volé profitâ, oumintè on kou, d’ithre bin vuthu po la demindze.

Prà chovin i dremechê din lè j’èthrâbyo. Chi dè Moncheu Fernand Deillon, a la route dè Bouleyres, irè chon prèfèrâ. Ouna né ke l’avê dremê chu la kourtena, l’è l’arouvâye dè la premire bèluètâye dè fèmê ke l’a teri fro du chè chondzo. Chin fére tsemin è manêrè, l’è modâ a l’èthrâbyo po fourni chon roupiyon. Oun’ôtra né, ch’è infelâ din ouna tyéche a lujé. Èlâ ! Chin li è j’ou domadzâbyo. Outre la né, on chi l’a fê a tsêre le kevihyo è, môgrâ chè j’ayô, l’a pâ pu le rabadâ. Le lindèman matin, Tinpru l’avi breji cha pupa.

Bèrnâ Chaney

Tinpru

Voici un petit mot que j’ai traduit depuis un vieux journal des années 1900 et quelques, qui parle de Florian Rime, un personnage un peu original de par Bulle.

Florian Rime était venu au monde en 1888. Sa famille habitait au rez-de-chaussée du numéro 13 de la rue Victor-Tissot.

A l’école c’était un tout réveillé, raison pour laquelle, il a reçu le surnom « Tinpru » (précosse). Ce sobriquet lui est resté toute sa vie.

Tinpru travaillait parfois, sous les ordres de Monsieur Zandali pour la succursale de la brasserie du Cardinal, située alors, derrière le café du Midi. Mais le travail qu’il faisait le plus souvent, c’était de conduire à la gare, pour les enwagonner, les bêtes que les marchands de bétail du dehors achetaient à la foire de Bulle.

En ce temps, lorsqu’ils devaient aller au service, les hommes avaient le droit de se vêtir de l’habit militaire un jour avant et, c’est ce que Tinpru faisait. A un camarade qui se moquait de lui il a répliqué :

- Qu’est-ce que tu te crois ? Je voulais profiter, au moins une fois, d’être bien vêtu pour le dimanche.

Très souvent, il dormait dans les écuries. Celle de Monsieur Fernand Deillon, à la route de Bouleyre, était sa préférée. Une nuit qu’il avait dormi sur le tas de fumier, c’est l’arrivée de la première brouettée de fumier qui l’a tiré de ses rêves. Sans faire de manigances, il est parti à l’écurie finir son roupillon. Une autre nuit, il s’est enfilé dans une caisse à purin. Hélas ! cela lui a été fatal. Durant la nuit, un courant a fait tomber le couvercle et malgré ses efforts, il n’a pas pu le soulever. Le lendemain matin, Tinpru avait brisé sa pipe.

 Bernard Chaney