Chti an, lè trintè-chatyimè rinkontrè dè dzounèche gruvèrênè chè pâchèron a Tsêrlin!

La fin dè chenanna ke vin, l’è din chi galé velâdzo ke lè chochyètâ dè dzounèche de la Grevire van chè rèvêre po rèinvantâ le payi, ou pechyâ référe le mondo outoua d’on vêro.

Dedzà né, ouna marinda è on konchê d’ouna binda ke no vin d’Ôtriche. On bokon dè «tchololo» kemin on di, dè tyè bin keminhyi la fitha!

Le devindro, lè j’infan di j’èkoulè poran èprovâ lè dju chu lè tchin chè travunyèron lè chochyètâ po chavê nekoué porè organijâ ha fitha l’an ke van!

Le dechando matin, a vouèt’àrè dèmi, on galé kortéje avui di bi tsê è di farmo balè vithirè moujâ, bâti è koju pê nouthrè dzouno!

Lè dzouno de la kotse chè bayon dè to kà po fére di bi tsê è di bi j’âyon. Bin chur, n’in d’a ke volon a to pri gânyi!

Ma l’è la demindze dumidzoua ke l’anbyianthe cherè monchtra. Kô l’è ke gânyèrè lè dju chti an?

Po le chavê, vinyidè chotinyi totè hou balè chochyètâ dè dzounèche le la Grevire ke l’an a kà dè fére a vivre nouthrè balè tradihyon din nouthrè velâdzo!

On bi mèhyo dè gènèrachyon, dè tyè chè dèmorâ, bêre kartèta è pachâ di bon momin pê Tsêrlin!

Romain Pittet

Echarlens nous accueille

Cette année, les 37es rencontres de jeunesses gruériennes se passeront à Echarlens!

La fin de semaine qui vient, c’est dans ce joli village que les sociétés de jeunesses de la Gruyère vont se revoir pour réinventer le pays, ou plutôt refaire le monde autour d’un verre.

Jeudi soir, un souper et un concert d’un groupe qui nous vient d’Autriche. Un peu de «tchololo» comme on dit, de quoi bien commencer la fête!

Le vendredi, les enfants des écoles pourront essayer les jeux sur lesquels vont s’affronter les sociétés pour savoir qui pourra organiser cette fête l’année prochaine!

Le samedi matin, à 8h30, un joli cortège avec des jolis chars et des très beaux costumes pensés, construits et cousus par nos jeunes!

Les jeunes de la région se donnent de tout cœur pour faire des beaux chars et des beaux habits. Bien sûr qu’il y en a qui veulent à tout prix gagner!

Mais c’est le dimanche après-midi que l’ambiance sera grandiose. Qui c’est qui gagnera les jeux cette année?

Pour le savoir, venez soutenir toutes ces belles sociétés de jeunesses de la Gruyère qui ont à cœur de faire vivre nos belles traditions dans nos villages!

Un beau mélange de génération, de quoi s’amuser, boire un verre et passer des bons moments par Echarlens!

Romain Pittet