La fin dè chenanna pachâ, ti lè dzouno de la Grevire chè chon rinkontrâ a Tsêrlin po ha grôcha fitha.
Chin l’è bi! On bi kortéje avui on mondo monchtro! To le velâdzo irè bondâ.
Fô dre ke di bi kortéje dinche, i fâ pyéji a vêre!
Di farmo bi tsê è di galé kochtume ke chon jou fê pê nouthrè chochyètâ dè dzounèche. Che on adichenâvè totè hou j’àrè dè travô, chin i fâ pâ rin!
La Rotse l’a gânyi le tsê in danhyin outoua dè ha bala chouitsouâze è d’on bi ban tayi din on lordo biyon.
Machin l’a gânyi le premi pri po l’è j’âyon avui po têmo: le kuti chuiche.
È po fourni, l’è Vuadin ke l’a gânyi lè dju! L’è adon là ke l’aron la granta tâtse d’organijâ lè RJG l’an ke vin!
A l’apèrô di prèjidin è di chindike, l’é rèmarkâ ke prà dè dzin ke chon ingadji po lè kemounè chon j’ou din lè komité dè nouthrè chochyètâ dè dzounèche… L’è bi dè vêre ke lè dzouno, ou dzoua d’ora onko, âmon ch’ingadji po fére di balè tsoujè din nouthron dichtri!
Nouthrè dzounèchè chon balè!
Chin l’è bi!
Romain Pittet
Chin l’è bi! (ça c’est beau)
Le week-end passé, tous les jeunes de la Gruyère se sont rencontrés à Echarlens pour cette grande fête.
Ça c’est beau! Un beau cortège avec un monde incroyable! Tout le village était bondé.
Il faut dire que des beaux cortèges comme ça, fait plaisir à voir!
De magnifiques chars et de jolis costumes qui ont été fait par nos sociétés de jeunesses. Si on additionnait toutes ces heures de travail, ça ne fait pas rien!
La Roche a gagné le char en dansant autour de cette belle schwytzoise et de ce beau banc taillé dans un gros billon.
Marsens a gagné le premier prix pour les costumes avec le thème: le couteau suisse.
Et pour finir, c’est Vuadens qui a gagné les jeux! C’est alors eux qui auront la grande tâche d’organiser les RJG l’année prochaine!
A l’apéros des présidents et des syndic, j’ai remarqué que beaucoup de personnes qui sont engagés pour les communes ont été dans les comité de nos sociétés de jeunesses… C’est beau de voir que les jeunes, aujourd’hui encore, aiment s’engager pour faire de belles choses pour notre district!
Nos jeunesses sont belles!
Chin l’è bi!
Romain Pittet