La chenanna pachâ, vê nouthrè vejin lè medjà dè raklètè, li a j’ou la korcha dè Zierre-Zinal. L’an pachâ, ouna binda dè dzouno gruvèrin l’avan markâ lè dzin avui lou j’inkoradzèmin. Lè j’organijateu de la korcha l’an adon dèmandâ a hou dzouno dè rèvinyi. Vo garantecho ke l’an pâ fê lè tsoujè a mityà! L’an montâ ouna tropa è l’an inkotyi chin in ouârdre. N’in d’a ke chon montâ vuto le matin è d’ôtro ke l’an dza dremê chu pyathe. L’avan prê dè tyè fére de la boura! Di hyotsètè, di chenayètè, di tronpètè, di tronchenàjè è di balè banyére avui nouthra gruva.

Di dzin vinyin dè totè pâ l’an kontâ ke li avê oun’anbyanthe monchtra din ha kotse batchi «Le verâdzo di gruvèrin».

On mache dè dzin dè vêr no l’an fê ha bala korcha dè montanye. Chin fâ pyéji dè vêre ti hou dzouno ke chè mobilijon po chotinyi lè korèri de la Grevire è dou tyinton.

La chenanna ke vin, cherè ou j’alintoua dè la Din dè Bro ke lè chindê van ithre bondâ. Alâdè portyè pâ lè j’inkoradji!

Romain Pittet

Le virage des gruériens

La semaine passée, chez nos amis les mangeurs de raclette, il y a eu la course de Zierre-Zinal. L’année passée, une équipe de jeunes gruériens avaient marqué les gens avec leurs encouragements. Les organisateurs de la course ont alors demandé à ces jeunes de revenir. Je vous garantis qu’ils n’ont pas fait les choses à moitié! Ils ont organisé un groupe et ont préparé ça en ordre. Il y en a qui sont montés tôt le matin et d’autres qui ont déjà dormi sur place. Ils avaient pris de quoi faire du bruit! Des cloches, des chamonix, des trompettes, des tronçonneuses et de beaux drapeaux avec notre grue.

Des gens venant de partout ont raconté qu’il y avait une ambiance monstre dans ce coin baptisé «Le virage des gruériens».

Beaucoup de personnes de chez nous ont fait cette belle course de montagne. Ça fait plaisir de voir tous ces jeunes qui se mobilise pour soutenir les coureuses et coureurs de la Gruyère et du canton.

La semaine qui vient, ce sera aux alentours de la Dent de Broc que les sentiers vont être bondés. Allez pourquoi pas les encourager!

Romain Pittet