Chti tsôtin, chu jou duvè chenannè ou Kanada avui ma grahyàja trovâ ma famiye. Du vouètantè-vouète, mè gran-parin Frèdon è Elisabeth è katre dè lou chi j’infan chè tinyon lé. No chin ouna vintanna dè kounjin-koujinè è tyindzè chàbron ou Québec. Tyin pyéji dè lè rèvêre è partadji di bon momin avui là! 

No j’an achebin voyadji on bokon, vouitchi di galé payijâdzo, vijitâ di balè velè è di pechintè fêrmè.

Din chi payi, yô le lathi è lè payijan l’an adi de la vayà, prà dè payijan dè vêr no l’an atsetâ on bin. Din lè j’an chaptantè-vouètantè-nonantè, rin dè badê po nouthrè payijan. Lè piti propriètéro è lè grandji ke l’avan rin a là è ke dèvechan modâ d’on bin a l’ôtro l’avan chur pâ d’avinyi din le mondo payijan dè nouthron payi. L’è din hou j’an ke la kotse chè adon vudya dè bon payijan è armayi. Irè chur pâ rin por là dè to tyithâ ma iran d’obedji che volan kontinuâ din le mihyi. In delé de la goye, l’an chovin bin ravuchê è tyin bouneu d’avi ôtyè a chè è dè povê vêre l’avinyi avui le fôri.

Dè hou payijan è armayi d’on yâdzo, n’in d’é kriji on mache a la fitha di chuiche ou Mon Sutton. Tyin pyéji dè povê dèvejâ patê ou mitin di j’Amèrikè è d’oure ke la rubrika «Deché-delé» l’a adi dou chukchè ou Kanada! Ha rubrika pouârtè adon bin chon non!

L’é j’ou le pyéji dè pachâ ‘na vouêrba è devejâ avui lè famiyè d’Antoine Bapst, Francis è Jeannine Gobè, Charly è Annick Franyére, Nonè è Eric Dupatchi, Béat è Françoise Dzatyè è bin di j’ôtrè ke vinyan dè totè pâ in Chuiche. Lè frârè a Béat, Conrad è Bènouâ, no fan le pyéji dè dèvejâ a Intrè-no in chi momin!

Vo garantecho ke ti hou payijan l’an pâ oubyâ le patê! Le dèvejon pout-ithre on bokon min ma l’inpyêyon pâ po pyorâ ma pyechyâ dè gran kà po kontâ di bi chovinyi ke rèprèjinton ouna partya dè lou ya pyênè dè korâdzo!

Bounè chalutachyon a vo totè è ti, brâvè dzin ke chobrâdè ou payi di Karibou!

Romain Pittet

Le patois au Canada

Cet été, j’ai été 2 semaines au Canada avec ma copine trouver ma famille. Depuis 88, mes grands-parents Frèdon et Elisabeth et 4 de leurs 6 enfants se tiennent là-bas. Nous sommes une vingtaine de cousins-cousines et 15 habitent au Québec. Quel plaisir de les revoir et partager des bons moments avec eux!

Nous avons aussi voyagé un peu, admiré de beaux paysages, visité de belles villes et des puissantes fermes.

Dans ce pays, où le lait et les paysans ont encore de la valeur, beaucoup d’agriculteurs de chez nous ont acheté un domaine. Dans les années 70-80-90, rien de libre pour nos paysans. Les petits propriétaires et les fermiers qui n’avaient rien à eux et qui devaient partir d’un domaine à l’autre n’avaient assurément pas d’avenir dans le monde paysans de notre pays. C’est dans ces années que la région s’est vidée de bons paysans et armaillis. Ça n’était pas rien de tout quitter mais ils étaient obligés s’ils voulaient continuer dans le métier. De l’autre côté de la gouille, ils ont souvent bien réussi et quel bonheur d’avoir quelque chose à soi et de pouvoir voir l’avenir avec le sourire.

De ces paysans et armaillis d’un temps, j’en ai croisé en masse à la fête des suisses au Mont Sutton. Quel plaisir de pouvoir parler patois au milieu des Amériques et entendre que la rubrique «Deché-delé» (de-ci-delà) a encore du succès au Canada! Cette rubrique porte alors bien son nom!

J’ai eu le plaisir de passer un moment et parler avec les familles d’Antoine Bapst, Francis et Jeannine Gobet, Charly et Annick Fragnère, Nonè et Eric Dupasquier, Béat et Françoise Jaquet et bien des autres qui viennent de toutes parts en Suisse. Les frères à Béat, Conrad et Benoît, nous font le plaisir de parler à Intrè-no en ce moment!

Je vous garantis que tous ces paysans n’ont pas oublié le patois ! Ils le parlent peut-être moins souvent mais ne l’emploient pas pour pleurer, mais plutôt pour raconter de beaux souvenirs qui représentent une partie de leurs vies pleines de courages!

Bonnes salutations à vous toutes et tous, braves gens qui habitez au pays des Caribous!

Romain Pittet