Outenè dza è la chenanna pachâ, bin kotyè tropi chon rèmodâ po le bâ. Vouè, l’è a Chinchâlè è a Êrbivouè ke bin di j’armayè pâchèron.

On mache dè dzin chè rètràvon din hou rindyè organijâyè chovin pê di bènèvole.

A Êrbivouè, l’è in mil-nou-thin-vouètantè-chê ke l’an rèbetâ chin chu pi. L’è bin chur pâ mé ouna fêre avui di bithè a vindre, ma pechyâ on martchi avui di j’artijan de la kotse è chuto le pachâdzo dè bin kotyè tropi ke l’an pachâ le tsôtin chu lè hô di montanyè de la kràja de l’Intyamon.

Che vo j’i chê, li a to chin ke fô po chè rèdzoyi la gardyèta. Che vo j’i fan, vo pouédè medji ‘na raklèta, ‘na fondya, de la tsanbèta, di makaron è onko bin di j’ôtrè tsoujè.

Le dèvêlené, n’in d’a po ti lè go ! Che vo j’i invide dè danhyi : alâdè a la granta châla, che vo j’i invide dè tsantâ : alâdè din la kantine yô lè mujikè di j’an vouètantè rèjenèron. Po de la mujika dou dzoua d’ora, li a la grandze è po la tchololo, li a onko bin di pyathè !

Chin ke l’è bi, l’è ke totè lè gènèrachyon chè mèhyon. Li a atan dè dzouno tyè dè min dzouno parto. Lè dou menèthrê ke dzuyon po le bal mè dejan on kou :  « L’è drôlo ma l’è ouna di cholè pyathè yô on vê atan dè dzouno danhyi ! »

L’è vré ke ha fêre l’a prê on bokon l’anbyanthe de la bènichon d’on yâdzo è i fâ pyéji a vêre.

Li a achurâ pâ tyè a Êrbivouè ke fâ bon chè tinyi po fére la fitha è vouityi di bi tropi ma on pou dre ke vô la pêna dè li pachâ ! Romain Pittet

La foire d’Albeuve

Ça sent déjà l’automne et la semaine passée, bien quelques troupeaux sont repartis pour la plaine. Aujourd’hui, c’est à Semsales et à Albeuve que bien des vaches passeront.

Beaucoup de personnes se retrouvent dans ces désalpes organisées souvent par des bénévoles.

A Albeuve, c’est en 1986 qu’ils ont remis ça sur pieds. Ce n’est bien sûr plus une foire avec des bêtes à vendre, mais plutôt un marché avec des artisans de la région et surtout le passage d’un certain nombre de troupeaux qui ont passé l’été sur les hauts des montagnes de la vallée de l’Intyamon.

Si vous avez soif, il y a tout ce qu’il faut pour se réjouir le gossier. Si vous avez faim, vous pouvez manger une raclette, une fondue, du jambon, des macaronis et encore bien des autres choses.

Le soir, il y en a pour tous les goûts ! Si vous avez envie de danser : allez à la grande salle, si vous avez envie de chanter, allez dans la cantine où les musiques des années 80 résonneront. Pour de la musique actuelle, il y a la grange et pour la tchololo, il y a encore bien des places !

Ce qui est beau, c’est que toutes les générations se mélangent. Il y a autant de jeunes que de moins jeunes partout. Les 2 musiciens qui jouent pour le bal me disaient une fois : « C’est drôle mais c’est une des seules places où l’on voit autant de jeunes danser ! »

C’est vrai que cette foire a pris un peu l’ambiance de la bénichon d’un temps et ça fait plaisir à voir.

Il n’y a sûrement pas qu’à Albeuve qu’il fait bon s’y tenir pour faire la fête et regarder des beaux troupeaux mais on peut dire que ça vaut la peine d’y passer ! Romain Pittet