Lè tsêrgochè ou bin lè tsarètè dè Tsarmê ch’inpyêyon adi ti lè j’an a la bènichon dè Tsarmê po la korcha dè tsarètè.

La tsêrgoche lè fête in duvè partyè. Le dévan lè n’a yudze avui dou yodzon è dêrê, on achi avui duvè ryè.

Po keminhyi i vu dèvejâ dè la partya dévan. Lè fête dè dou yodzon ke chon tinyê pê dou pyumé. Lè yodzon chon pye chyâ fê in duvè partyè. Li a le yodzon è l’inpunya ke chon apondu avui dou boulon. Ma on tràvè adi di yodzon avui l’inpunyè d’ouna pithe. Lè pâ fachilo dè trovâ di korbè adèkouato po chin fére. Lè yodzon è lè j’inpunyè chon jènèralamin in pyâno.  Le yodzon pou achebin ithre in frâno. On fâ oun’inkotse din l’inpunyè po apyèyi le tsavô. On fâ duvè mortéjè din le yodzon po pyantâ lè pyôtè. Hou pyôtè in frâno l’an on tenon è chon inkrâyè avui di tseviyè achbin in frâno. A la partya dèchu dè la pyôta, li a achebin on tenon d’a-poupri tyindzè chantimêtre. Li’a lè yodzon dè gôtse è dè drête. On bayè achbin lè yodzon ou fâvre po betâ di chalè in fê po prèjêrvâ le bou ! Lè pyumé chon in frâno, in ormo ou kotchè kou in fothi. On li fâ di mortéjè achebin dè byé po abchorbâ lè borâyè ke vinyion de n’a pâ è dè l’ôtra. Din le pyumé dè dèvan on fâ di pèrtè dè vintè-thin milimêtre po lè pèrtsètè. Din chi dè dêrê, lè pèrtè chon dè trinta milimêtre. Lè pyumé chon achbin inkrâ din lè pyôtè avui di tseviyè in frâno on bin avui di boulon.

La chenanna ke vin, vo j’èchplikèri kemin l’è fête la partya dè dèrê.

Bèrnâ Repond, Tsarmê

La fabrication d’une charrette de Charmey

Les charrettes de Charmey, s’utilisent encore chaque année à la bénichon de Charmey, pour la course des charrettes.

La charrette est faite en 2 parties. Devant, il y a une luge avec 2 patins et à l’arrière, il y a un essieu avec 2 roues. Pour commencer, je veux parler de la partie avant. Elle est constituée de 2 lugeons reliés par 2 traverses. Les lugeons sont le plus souvent fait en 2 pièces. Il y a le lugeon et la poignée qui sont reliés par 2 boulons. Mais, on trouve encore des lugeons avec poignée en une pièce. Il n’est pas facile de trouver les courbes adéquats pour les fabriquer. Les lugeons et les poignées sont généralement en érable. Le lugeon peut aussi être en frêne. On fait une encoche dans la poignée pour atteler le cheval. On fait 2 mortaises dans le lugeon pour planter les jambes. Ces jambes en frêne ont un tenon et sont fixées avec des chevilles également en frêne. A la partie dessus de la jambe, il y a aussi un tenon d’à peu près 15 centimètres. Il y a les lugeons de gauche et de droite. On apporte également les lugeons chez le forgeron pour placer les semelles en fer pour préserver le bois. Les traverses sont en frêne, en orme ou quelques fois en hêtre. On y fait des mortaises également en biais afin d’absorber les chocs latéraux. Dans la traverse avant on y perce des trous de 25 millimètres pour les perchettes. Dans celle de derrière, les trous ont 30 millimètres. Les traverses sont assemblées dans les jambes avec des chevilles en frêne ou avec des boulons.

La semaine prochaine, je vous expliquerai comment est faite la partie de derrière.

Bernard Repond, Charmey