Djan Gugler irè vinyê ou mondo ou Bry, ma irè orijinéro dè La Rotse. Pâ gran, ma ramachâ, l’irè on krik è, po chin, l’avê rèchu le chobretyè dè «Trontsè»

Kan, l’i a dè chin bin kotyè j’an, le tsalè dè Bouna Fontanna irè j’ou akouèthrâ pê la nê, l’è li ke l’a portâ a dzin, du le Grô-Pyané, le fêrayâdzo è oun’inpartya di cha dè thinkanta kilo dè tsô è dè chimin po rè le bâti.

On dzoua, cha fouârthe dè koloche li a dzuyê on krouyo toua. Chin ch’è pachâ din la kràja di Morthey. On tropi dèvechê rèmouâ po le tsalè d’avô è, lè j’armayi l’an propoujâ a Trontsè dè tringalâ la grôcha panthe nêre. Chin fére tsemin è manêrè, Trontsè ch’è abohyâ, l’a infelâ cha titha intrè lè dou batsi è v’lan! D’on pechin kou dè rin la grôcha panthe nêre ch’è rètrovâye tsèrdja chu chè lârdzè j’èpôlè.

Arouvâ ou tsalè d’avô l’a fê parê, ma a rèvèrtson. Èlâ! L’è j’ou gânyi pê la pèjintyà dou yâdzo è ch’è rètrovâ a rèbedou, la titha inkouéchya bâ-lé dè la tsoudêre. Bèniràjamin, lè j’armayi k’arouvâvan avu le richto dou trin dè tsalè l’an teri fro dè ha pouta gonhya, chin chin, l’arê ètofâ.

Outre la krouye chajon on le rinkontrâvè pê lè tsemin, tsebrotin to cholè. I dremechê chovin din lè j’èthrâbyo. Dinche, in mile nouthin djij’è nà, kan la maladi l’a gânyi le payi, la kemouna dè La Rotse l’è j’ou d’obedja dè l’èbèrdji din chen’èpetô pêrmo ke chi l’omo ke vanglâvè, dèvinyê dondzerà po lè bithè.                                                                                                                                                              

L’irè achebin on grô l’amateu dè kâfé nê. On kou, l’avê dèmandâ a on dè chè konpâre k’alâvè marindâ ou Stekel:

-  Lé, tè bayon tyè a la marinda?

- Pèrdji, dou kâfé nê!

In fajin la pota Trontsè li a rèbrekâ:

- Te n’in d’â dè la tsanthe, yô chu ora, i fan rintyè dè la choupa.

Bèrnâ Chaney

«Trontsè»

Jean Gugler était venu au monde à Le Bry, mais il était originaire de la Roche. Pas grand mais trapu, c’était un homme costaud et, pour cela, il avait reçu le sobriquet de «Trontsè».

Lorsqu’il y a de cela bien quelques années, le chalet de Bonne Fontaine avait été écrasé par la neige, c’est lui qui a porté à dos d’homme, depuis Gros-Plané, le ferraillage et une partie des sacs de cinquante kilos de chaux et de ciment, pour à nouveau le construire.

Un jour, sa force de colosse lui a joué un mauvais tour. Cela, s’est passé dans la vallée des Morthey. Un troupeau devait déménager pour le chalet d’en bas et, les armaillis ont proposé à Trontsè de transporter la grosse chaudière. Sans faire chemin et manières, Trontsè s’est baissé, il a enfilé sa tête entre les deux pieux et hop ! D’un puissant coup de reins la grosse chaudière s’est retrouvée sur ses épaules.

Arrivé au chalet d’en bas il a fait pareil, mais à l’envers. Hélas! Il a été gagné par la pesanteur du chargement et s’est retrouvé à l’envers, la tête coincée au fond de la chaudière. Heureusement, les armaillis qui arrivaient avec le reste des ustensiles du chalet, l’on sorti de cette vilaine gonfle, sans cela, il aurait étouffé.

Durant la mauvaise saison, on le rencontrait par les chemins, baragouinant tout seul. Il dormait souvent dans les étables. Ainsi, en 1919, quand la fièvre aphteuse a gagné le pays, la commune de La Roche a été obligée de l’héberger dans son foyer car cet homme qui errait, devenait dangereux pour les bêtes.

C’était aussi un grand amateur de café noir. Une fois, il a demandé à l’un de ses compères qui allait souper au Stekel.

- Là-bas, il te donne quoi au souper?

- Pardi, du café noir!

En faisant la grimace, Trontsè lui a répliqué:

- Tu en as de la chance, où je suis maintenant, ils font seulement de la soupe.

Bernard Chaney