Chi mi dè novinbro no fâ moujâ a on tin a dzuyi i kârtè.

Chi dju l’a totêvi dèmorâ on mache dè dzin. In famiye, avui di j’êmi, a la rèkruva, ou tsalè, ou kabarè ou in voyâdzo, lè kârtè chè fan adi prou chovin chayi!

Mè, l’é aprê a dzuyi avui mè gran-parin. Ou poutse è ou chibre. L’é le chovinyi ke m’avan achebin aprê a dzuyi ou binokle. Ma ora, l’é djuchto rètinyê le non. Adon che vo chédè chin k’irè le binokle, fédè mè chunyo!

Mon pér’gran m’a kontâ k’ou velâdzo dou Patchi, on omo k’irè a non Dzojè amâvè tarubyamin dzuyi i kârtè. Achtou ke povê, i modâvè tanty’ou kabarè po rètrovâ chè kopin è tapâ le karton in dejin: «atou, bokeli, kopa, a tè dè bayi, …» On kou, ouna demindze apri la mècha, cha fèna li avi intèrdi dè li alâ. Adon iran chobrâ lè dou a la méjon po goutâ. Ma chi l’omo amâvo mi bêre cha poma tyè dè l’ithre è on kou ke cha fèna l’è jou fro, l’è modâ dè rido bâ ou kâfé de la gâre. To por on kou, la dama l’è rintrâye din le kabarè inradja è l’a de: «L’è topari pâ krêyâbyo! dou tin ke chu jou bayi i dzeniye, mon Josaaaph lavi!»

Mimamin ch’on âmè bin dzuyi i kârtè, on bokon dè chèlà farè rin dè mô tyédè!

Bouna fin dè chenanna!

Romain Pittet

Les cartes

Ce mois de novembre nous fait penser à un temps à jouer aux cartes.

Ce jeu a toujours amusé beaucoup de monde. En famille, avec des amis, à l’armée, au chalet, au bistrot ou en voyage, les cartes se font encore bien souvent sortir!

J’ai appris à jouer avec mes grands-parents. Au poutse et au chibre. J’ai le souvenir qu’ils m’avaient aussi appris à jouer au binokle. Mais maintenant, j’ai juste retenu le nom. Alors si vous savez ce qu’était le binokle, faites-moi signe!

Mon grand-papa m’a raconté qu’au village du Pâquier, un homme qui s’appelait Joseph aimait terriblement jouer aux cartes. Aussitôt qu’il pouvait, il partait jusqu’au bistrot pour retrouver ses copains et taper le carton en disant: «atou, bokeli, kopa, a tè dè bayi, …» Une fois, un dimanche après la messe, sa femme lui avait interdit d’y aller. Alors ils étaient restés les deux à la maison pour manger. Mais cet homme aimait mieux boire sa pomme que de l’être et une fois que sa femme eu été dehors, il est vite parti en bas au café de la gare. Tout d’un coup, la dame est entrée dans le bistrot enragée et a dit: «L’è topari pâ krêyâbyo! dou tin ke chu jou bayi i dzeniye, mon Josaaaph lavi!». C’est quand même pas croyable, du temps que j’ai été donner aux poules, mon Josaaaph loin!»

Même si on aime bien jouer aux cartes, un peu de soleil ne ferait rien de mal n’est-ce pas!

Bonne fin de semaine!

Romain Pittet