Chaptanbre, outenè dza, l’ivouè dou piti ryô anyatè le tron di vèrnè byantsè ke chè vihyon dè ruye. Po chè fére a rakrotchi pê la né, a tsô pou, lè dzoua chè rakuchon. Doulon dè la tsarêre, lè gran pubyo èchpardzemalon lou foyè dorâyè.
Dèjo lè kotyê, bouébo è fiyè ramâchon lè dêrirè kotyè. La brijon di chenayè no chohyè a l’oroye ke le tin di rindyè è dè la bènichon l’è arouvâ. Le vinyoubyo ch’è nipâ dè chè balè kolà, le rejin l’è mà. Venindjàjè è venindjà, chon d’àra a venindji. Kemin ti lè j’an, Le vin cherè intrètsantâre è lè gardyètè dzoyàjè.
Oktôbre: a ruva dou bou, on’odzè bramâ le thê. Prèjenêre dè la nyola, la dzà léchè chè lègremè dèpourâ du chè foyè. Du tin j’a ôtro, di dzapâyè mèhyâyè a di kou dè fuji, tràbyon la tyêja: tsouye-tè, grahyàja bètse! Lè tsahyà è lou tsin trinon din la kotse.
Novinbre: avui la frètchyà dè la nyola, inke Tolèchin. Chu la foucha dè nouthrè j’anhyan, avui rèchpè chè hyenè la mardjita di mouâ.
Dèthanbre: le mi di bèchkébo. Lè j’infan chon dzoyà dè vêre rè la granta bârba byantse dou bon Chin-Nikolé. Duche a na tyindzanna dè dzoua, la pouârta dè l’evê ch’àrèrè è, kan l’oura malête chohyèrè chu lè rojêrè è ke lè dzordi chè manchàlèron dè byan, amâbyo l’outon, dutrè dzoua dèvan Tsalandè, a pâ dè là te t’in n’oudri.
Bèrnâ Chaney
L’automne
Septembre: ça sent déjà l’automne, l’eau du petit ruisseau caresse le tronc des vernes blanches qui s’habillent de rouille. Pour se faire rattraper par la nuit, peu à peu, les jours se raccourcissent. Le long de la charrière, les grands peupliers éparpillent leurs feuilles dorées.
Sous les noyers, garçons et filles ramassent les dernières noix. La mélodie des sonnailles nous souffle à l’oreille que le temps des désalpes et de la bénichon est arrivé. Le vignoble s’est nippé de ses belles couleurs, le raisin est mûr. Vendangeuses et vendangeurs sont prêt à vendanger. Comme toutes les années, le vin sera enchanteur et les gosiers joyeux.
Octobre: à la lisière de la forêt, on entend bramer le cerf. Prisonnière du brouillard, la forêt laisse ses larmes dégouliner de ses feuilles. De temps à autre, des aboiements mêlés à des coups de fusil troublent le silence: fais attention, gracieuse biche! Les chasseurs et leurs chiens traînent dans le coin.
Novembre: avec la fraîcheur du brouillard, voici la Toussaint. Sur la tombe de nos anciens s’incline avec respect le chrysanthème.
Décembre: le mois des biscômes. Les enfants sont joyeux de voir à nouveau la longue barbe du bon Saint Nicolas. D’ici à une quinzaine de jours, la porte de l’hiver s’ouvrira, et lorsqu’un vent aigre soufflera sur les roseraies et que les vergers se vêtiront de blanc, aimable automne, quelques jours avant Noël, à pas de loup, tu t’en iras.
Bernard Chaney