I chu gayâ benéje dè vo dèvejâ dou velâdzo dè Lecho. Chi l’indrê l’è pyéjin kemin to è chè tràvè bin pyantâ intrè Granvelâ è Monbovon, ou pi di Milè.

A Lecho, li a on galé piti mohyi dèkouthè la viye èkoula yô li a jou ‘na klache tantyè li a ouna djijanna d’an. On li tràvè adi on kabarè ke l’è chobrâ din chè kolà d’on yâdzo avui chè balè parê a korâye.

Lè dzin dè Lecho chon on bokon kemin lou velâdzo: pri lè j’on di j’ôtro. Kan li a ouna fitha ou velâdzo, to le mondo li vin è prà dè mondo li partichipon. Hou balè méjon d’on yâdzo chovin bin botchatâyè vouêrdon ou mitin dè là ouna bala fontanna. Me n’êmi Paul m’a de k’on pou pâ mé bêre le lena ma le devindro né, dè tsôtin, l’è prou chovin ke lè dzin de la kotse chè rètràvon lè pi din l’ivouè po bêre kartèta!

A Lecho, li a onko ouna chochyètâ dè tir. La chochyètâ dè tsan chè betâye ora avui lè velâdzo vejin. On i tràvè achebin la kotse dou Bu yô kotyè fêrmè è méjon li chon vouèrdâ pê ‘na tsapala ryonda.

La choyètâ dè dzounèche chon ‘na tyindzanna. Pâ fôta d’ithre tru, du tin ke to le mondo travayè. L’è vré ke chàvon chè charâ lè kàdo. Ou mitin dou mi d’ou, i organijon la pètanke. Ha fitha atirè on mache dè dzin è to le velâdzo li va. Po pâ ithre dèrandji de la boura d’ouna fitha, le mèyou moyin, l’è dè li alâ!

Po le chèkon kou, a la fin dou tsôtin, l’an organijâ ouna korcha ke fâ le toua dou lé. On mondo monchtro pâchè ou velâdzo po li partichipâ.

A vêre to chin ke li chè pâchè, on pou dre ke Lecho l’è on velâdzo yô li a onko bin de la ya!

Romain Pittet

Lessoc

Je suis bien content de vous parler du village de Lessoc. Cet endroit est plaisant comme tout et se trouve bien planté entre Grandvillard et Montbovon, aux pieds des Millets.

A Lessoc, il y a une jolie petite église à côté de l’ancienne école où il y avait une classe il y a encore une dizaine d’années. On y trouve une auberge qui est restée dans ses couleurs d’autrefois avec ses belles parois fribourgeoises.

Les habitants de Lessoc sont un peu comme leur village: près les uns des autres. Quand il y a une fête au village, tout le monde y vient et beaucoup de monde y participent. Ces belles maisons témoins du passé, souvent bien fleuries gardent au milieu d’elles une belle fontaine. Mon ami Paul m’a dit qu’on ne peut plus boire la lune mais le vendredi soir, l’été, c’est très souvent que les gens du coin se retrouvent les pieds dans l’eau pour boire l’apéro!

A Lessoc, il y a encore une société de tir. La société de chant, elle, s’est mise avec les villages voisins. On y trouve aussi le hameau du Buth où quelques fermes et maisons y sont gardées par une chapelle ronde.

La société de jeunesse compte une quinzaine de membres. Pas besoin d’être trop, du moment que tout le monde s’y met. C’est vrai qu’ils savent se serrer les coudes. Vers la mi-août, ils organisent la pétanque. Cette fête attire les gens en masse et tout le village s’y rend! Pour ne pas être dérangé du bruit d’une fête, la meilleure façon est d’y aller!

Pour la seconde fois, à la fin de l’été, ils ont organisé une course autour du lac. Beaucoup de monde passe au village pour y participer.

A voir tout ce qu’il s’y passe, on peut dire que Lessoc est un village où il y a encore bien de la vie!

Romain Pittet