Vo j’ithè achurâ dza jou pachâ pê le velâdzo dè Pon ‘na-vela.

Du ha galéja kotse, no j’an ‘na galéja yuva chu le lé è lè montanyè. Chuto le Molèjon.

To pri de la goye, li a adi kotyè viyè méjon ke l’an jou tsô dè pachâ din l’ivouè to kemin ha galéja tsapala dè Tuji. Le gran mohyi dè chi velâdzo l’è bin vouêrdâ pê Nouthra-Dona; la tsapala, li, on pou dre ke l’è dèjo la bouna vouêrda dè Malou!

Le kabarè, L’Infan-dou-bon-kà irè in Tuji po keminhyi. Ora, lè on tro d’amon dou velâdzo. A la fin dè novinbro è ou keminhyèmin dè dèthanbre, la chochyètâ dzounèche chè tin dèkouthè le kabarè. Du pachâ karant’an, i beton chu pi on tèâtro dè rèthèta! Tyin bi è lordo travô i fan. Che vo j’i invide dè rire ‘na mouâcha, vo chédè yô alâ!

Ouê ouê, a Pon ‘na-vela, li a pâ tyè dou golf k’on pou dèvejâ, ma li a prà dè balè tsoujè ke li chè fan è on pou tyè l’è j’inkoradji è lè fèlichtâ.

Romain Pittet

Pont-la-ville

Vous êtes sûrement déjà eu passé par le village de Pont-la-ville.

Depuis ce joli coin, nous avons une jolie vue sur le lac et les montagnes. Surtout le Moléson.

Tout près de la gouille, il y a encore quelques maisons qui ont eu chaud de passer dans l’eau tout comme cette jolie chapelle de Thusy. La grande église est bien gardée par Notre-Dame; la chapelle, elle, on peut dire qu’elle est sous la bonne garde de Malou!

Le bistrot, L’Enfant de bon cœur était en Thusy pour commencer. Maintenant, il est un bout d’en haut du village. A la fin de novembre et au commencement de décembre, la société de jeunesse se tient à côté du café. Depuis passé 40 ans, ils mettent sur pieds un théâtre de recette! Quel beau et grand travail ils font. Si vous avez envie de rire une morce, vous savez où aller!

Ouais, ouais, à Pon ‘na-vela, il n’y a pas que du golf qu’on peut parler, mais il y a beaucoup de belles choses qui s’y font et on peut que les encourager et les féliciter.

Romain Pittet