Demindze pachâ, ou Granvelâ, le mohyi irè bondâ por akutâ chi galé konchê ke mèhyâvè lè gènèrachyon è lè chochyètâ dou velâdzo. Lè tsanthon di j’infan l’an betâ dou dzouyo din le kà di dzin. Le kà dou mohyi, chouêvu de la fanfare l’an achebin fê a brèyi lè j’yè di dzin. Din ‘na kotse dou mohyi, la bala rèthe fête pê Gaston è cha binda bayivè i j’infan, l’invide dè dzuyi avui lè fayè è lè pèrchenâdzo. Djuchto dèvan lè j’èthêlè, le Vani Nê fê pê nouthron règrètâ Djan-Luvi chinbyè vèyi chu to chi piti mondo.
Du la louye, i vêyé lè j’infan akutâ la mujika de la fanfare è ke budjivan, danhyivan din lè ban. L’è j’infan chè dzênon min. Che ‘na mujika lou bayè l’invide dè danhyi è dè budji, le fan to tsô! Po Tsalandè, i pu tyè kouâdre a tsakon d’oujâ danhyi, vouêrdâ on bi fôri è oujâ mothrâ dou dzouyo ou toua dè chè.
Kemin lè j’infan ke beton dou chèlà din le mondo, Tsalandè l’è inke po no rapalâ ke môgrâ to, i chàbrè on rè dè chèlà po tsakon dè no, oun’èthêla po no j’idji a kontinuâ è prindre la ya de la bouna pâ.
Din la Pé, le Dzouyo è avui le Fôri, vo kouâjo on to galé Tsalandè.
Romain Pittet
Joli Noël (Galé Tsalandè)
Dimanche passé, à (au) Grandvillard, l’église était bondée pour écouter le joli concert qui mélangeait les générations et les sociétés du village. Les chansons des enfants ont mis de la joie dans le chœur des gens. Le chœur d’église, suivis de la fanfare ont fait briller les yeux du public. Dans un coin de l’église, la crèche faite par Gaston et sa bande donnait aux enfants l’envie de jouer avec les moutons et les personnages. Juste devant les étoiles, le Vanil Noir fait par notre regretté Jean-Louis semble veiller sur tout ce petit monde.
Depuis la tribune, je voyais les enfants écouter la musique de la fanfare et qui bougeaient, dansaient, dans les bancs. Les enfants se gênent moins. Si une musique leur donne l’envie de danser et de bouger, ils le font tout de suite !
Pour Noël, je peux que souhaiter à chacun d’oser danser, garder un beau sourire et oser montrer de la joie autour de soi.
Tout comme les enfants qui mettent du soleil dans le monde, Noël est là pour rappeler que malgré tout, il reste un rayon de soleil pour chacun de nous, une étoile pour nous aider à continuer et prendre la vie du bon côté.
Dans la Paix, la Joie et avec le Sourire, je vous souhaite « on galé Tsalandè » (joli Noël)
Romain Pittet