Ou tin dè Tsalandè, Dyu l’è vinyê.
Din la kotse dè la Grevire, l’è vinyê chi dzoua dè bouneu ke Dyu l’a volu po invouyi chon fe chu la Têra. Lè vani chè chon indremê din le chèlà. La yê chè betâye in fitha, lè j’èthêlè l’an brèyi por invitâ lè dzin a prèyi, a moujâ a chi bouébo ke va vinyi por no, po no j’idji a moujâ, po no j’idji a prèyi.
L’è la dona k’la inkotyi la méjon, l’a betâ la trâbya, l’a tsandji l’ivouè bènête. Le chènya l’a gratâ ‘na motsèta, alumâ le fu. To pri, l’anhyan ch’achitè pri dou forni. Chu la parê, ouna krê l’è inke, k’no j’idje a chondji, k’invitè lè dzin a prèyi po la mouâ ke vindrè è on dzoua dè bouneu, po rapalâ chi tin, po no j’idji a modâ.
La Grevire l’a betâ cha vithire byantse, lè botè krèjenon chu le tsemin ke van chouêdre lè dzin por alâ tantyè ou mohyi. Vê la miné, van tsantâ è prèyi, in chi bon tin dè dzouyo, fithâ chi bouébo, fithâ Tsalandè, ke l’è benéj’ por no chi dzoua dè gran bouneu, po no ratsetâ dou mô, din ha né dè Tsalandè.
Maurice Murith
Au temps de Noël
Au temps de Noël, Dieu est venu.
Dans la région de la Gruyère, il est venu ce jour de bonheur, Dieu a voulu envoyer son fils sur la Terre. Les vanils se sont endormis dans le soleil. Le ciel s’est mis en fête, les étoiles ont brillé pour inviter les gens à prier, à penser à ce garçon qui va venir pour nous, pour nous aider à réfléchir, pour nous aider à prier.
C’est la maman qui a préparé la maison, mis la table, changé l’eau bénite. Le père a gratté une allumette, allumé le feu. Tout près, l’aïeul s’assied près du fourneau. Sur la paroi, une croix est là, elle nous aide à rêver, elle invite les gens à prier pour la mort qui viendra et un jour de bonheur, pour rappeler ce temps, pour nous aider à partir.
La Gruyère a mis son manteau blanc, les bottes craquent sur le chemin que vont suivre les gens pour aller jusqu’à l’église. Vers minuit, ils vont chanter et prier, en ce bon temps de joie, fêter cet enfant, fêter Noël, qu’il est heureux pour nous ce jour de grand bonheur, pour nous racheter du mal dans cette nuit de Noël.
Maurice Murith