È bin! Hou dêri tin, on pou bin dre ke le patê rètràvè to bounamin cha pyathe intche no. Du le mi dè janvié tantyè ou mi d’âvri, oumintè chê pithè dè tèâtro l’an intrètsantâ é intrètsantèron adi lè j’amouirà dè nouthra linvoua.

Ora, l’è la dzounèche dè Chorin, «La Dzoyàja», ke va dzuyi cha pithe in patê: «Ouna trapa dè makinyon». L’è ouna pithe dè Nono Puro betâye chu lè lan pê Marielle Remanin.

L’afére chè pâchè on dedzà, a l’èpâhyo dou martchi folklorike dè Bulo. Din on fêrmo bi dèkouâ, Sidonie, vindyàja dè tsapi, afriyindè lè tsalan ke ch’aproutson dè chon bantsè po èprovâ dè lou j’infelâ on katse-pyà. Ma! L’è chuto Sérafin, chon vejin dè martchi, on vindyà dè kinkayèri è dè krintsemalichè, tyè vouè, l’a le mé dè ravuchête. Anfin po to dre, l’è oun’ichtouâre dè makinyon k’èpràvon dè ch’indjoulâ l’on è l’ôtro. Ma ke chè bayichan achyin! L’è pâ totèvi le renâ k’atrapè le korbé.

Hou dzouno vo j’atindo po lè j’inkoradji le 24 dè fèvrê, le 1-2-3-8-9 dè mâ, a la granta châla dè Chorin. I dzuyon achebin duvè pithè in franché.

A dyora è ke vèkechichè adi grantin nouthron patê!

Bèrnâ Chaney

Au tour de la jeunesse de Sorens

Eh bien! Ces derniers temps, on peut dire que le patois retrouve gentiment sa place chez-nous. Du mois de janvier jusqu’au mois d’avril, au moins 6 pièces de théâtre ont enchanté et enchanteront encore les amoureux de notre belle langue.

Maintenant, c’est la jeunesse de Sorens, «La joyeuse», qui va jouer sa pièce en patois: «Ouna trapa dè makinyon». C’est une pièce de Nono Puro mise en scène par Marielle Romanens.

L’affaire se passe un jeudi, à l’occasion du marché folklorique de Bulle. Dans un très beau décor, Sidonie, vendeuse de chapeaux, séduit les clients qui s’approchent de son banc pour essayer de leur enfiler un chapeau. Mais! C’est surtout Séraphin, son voisin de marché, un vendeur de quincailleries et de futilités, qui aujourd’hui a le plus de succès. Enfin, pour tout dire, c’est une histoire de maquignons qui essayent de s’enjôler l’un et l’autre. Mais qu’ils prennent garde! Ce n’est pas toujours le renard qui attrape le corbeau.

Ces jeunes vous attendent pour les encourager le 24 février, le 1-2-3-8-9 mars, à la salle polyvalente de Sorens. Ils jouent aussi 2 pièces en français.

A bientôt et, que vive encore longtemps notre patois!

Bernard Chaney