Li a pâ tyè in Grevire ke le patê rètràvè de la kolà. Chti an, in Vevéje è din la Chàrna, di bi tèâtro l’an fê a rèvayê nouthra bala linvoua!
La tropa dè tèâtro d’ «Intrè-no» dzuyon chtou tin a Arkonhyi. Le kà l’a tsantâ totè lè chajon dèvan dè léchi pyathe a trè jènèrachyon dè komèdyin chu l’è lan. Tyinta galéja pithe!
L’idé dè ha pithe l’a keminhyi dinche: on kou kan la fiye a Madeleine li dèmandè tyè ke vudrê fére kemin dêrire folèrâ dèvan dè muri. Chin li a fê moujâ è rèmoujâ bin chur… è li a chuto bayi l’invide d’èkrire ouna pithe dè tèâtro avui Marie-Thérèse.
L’è adon l’ichtouâre dè duvè mér’gran è dè lou pititè fiyè ke fan on toua dè montanyè inthinbyo. L’è adon ouna di pititè-fiyè ke dèmandè a hou damè tyè ke vudran fére kemin dêrire folèrâ dèvan dè pachâ l’ârma a gôtse.
Chu le momin, nouthrè mér’gran chon chobrâyè moutsètè ma chè chon rèyu po n’in dèvejâ… l’è adon ke keminhyon a chè kontâ totè lou premirè folèrâ: Lè premire tsôthè, la premire pizza amenâ pê lè j’ôvrê italyin,…
Rin dèpye, vo deri! Ma chin ke l’è chur, l’è ke l’an fê di galéjè folèrâ po konprindre ke dèvan dè pachâ l’ârma a gotse, i fô prindre la ya de la bouna pâ è chinpyamin profitâ dè totè hou bounè vouêrbè!
Di novalè pithè, di novalè j’ichtouâre mimamin dou dzou dzoua d’ora; chin fâ dou bin po nouthron bi patê è po intèrèchi lè dzouno, lè j’infan è achebin lè parin.
Chta né è dèman dumidzoua, vo pouédè adi alâ akutâ è vouityi trè gènèrachyon chu lè lan a Arkonhyi. Bravô a là!
Romain Pittet
Vivre avant de passer l’arme à gauche
Il n’y a pas qu’en Gruyère que le patois retrouve de la couleur. Cette année, en Veveyse et dans la Sarine, des beaux théâtres ont fait à revaloir notre belle langue!
La troupe de théâtre d’ «Intrè-no» jouent actuellement à Arconciel. Le chœur a chanté toutes les saisons avant de laisser place à 3 générations de comédiens sur les planches. Quelle belle pièce!
L'idée de cette pièce a commencé comme ça: une fois, quand la fille à Madeleine lui a demandé qu'est-ce qu'elle voudrait faire comme dernière folie avant de mourir. Ceci lui a fait réfléchir et repensez bien sûr… et ça lui a surtout donné l'envie d'écrire une pièce de théâtre avec Marie-Thérèse.
C'est alors l'histoire de deux grands-mamans et de leurs petites-filles qui font un tour de montagnes ensemble. C'est alors une des petites-filles qui demande à ces dames qu'est-ce qu'elles aimeraient faire comme dernière folie avant de passer l'arme à gauche. Sur le moment, nos grands-mamans sont restées muettes mais elles se sont revues pour en parler. C'est alors qu’elles commencent à se raconter toutes leurs premières folies: les premiers pantalons, la première pizza amenée par les ouvriers italiens…
Rien de plus, je vous dirai! mais ce qui est sûr, c'est qu'elles ont fait de belles folies pour comprendre qu’avant de passer l'arme à gauche il faut prendre la vie du bon côté et simplement profiter de tous ces bons moments!
Des nouvelles pièces, des nouvelles histoires, même actuelles; ça fait du bien pour notre beau patois et pour intéresser les jeunes, les enfants et aussi les parents.
Ce soir et demain après-midi, vous pouvez encore aller écouter et regarder 3 générations sur les planches à Arconciel. Bravo à eux!
Romain Pittet