Deché-delé

Dariremin, din La Liberté, a la dèrire pàdze, Pascal Bertchy no bayè l’èpâhyo dè no rapalâ kemin la ya chè pachàvè vêr no din lè j’an chouchantè. Le payi keminthivè a chè modèrnijâ, tot’in vouèrdin anko l’âmo di j’artijan è di payijan. Lè dzin vèkechan dji j’an dè min k’ora. To le mondo chè konyechê ou a pou-pri. No j’avan adi d’la nê in n’evê. È li avi min d’«autoroutes» è to chin ke virè outouâ. Mo j’avan adi di piti j’artijan, di kabarè è di piti magajin ke fajan le bouneu di velâdzo. On alâvè adi tsèrtchi chon lathi a la fretchire avu on piti bidon in fê byan. On ne foti pâ to l’êvi kemin ora, ma on retakounâvè bin di tsoujè.

Prâ dè dzin n’avan onko djamé prê l’avion. On medjivè chovin chin kon chonyivè. On vèkechê pyo chinpyamin è on arouvâvè adi a betâ ôtyè dèkouthè. Lè…