To le mondo chè rètràvè ou Granvelâ po prindre le kar! On modè a vouèt’àrè dji è de la putha. Ouna galéja yuva no j’atin chu le tsemin dè Léjin.

On kou arouvâ chu pyathe, on dètsardzè nouthrè valijè. Apri ouna pitita vejeta dè l’ôtèle, no van goutâ. Tinke no fin prè po le chki è lè premire pichtè! Lè katr’àrè iran bin meretâ! Apri, l’è l’àra d’alâ chè rinhyi è ch’inkotyi po la marinda a vinyi. Le delon né, no j’an vouityi on film: «Ouna hyotsèta po Ursli». Irè tru galé!

Dremidè-bin, la chenanna fâ tyè keminhyi…
Demâ matin, tyinta boura po ch’abadâ avui lè bouébo è la mujika di bronjâ fan dou chki! Apri le dèdzounon, no chin modâ a chki kemin ti lè dzoua. Le dèvêlené, no j’an partichipâ ou «talentshow». Lè j’èlévo l’an pu mothrâ lou talan dèvan totè lè klachè. Mimamin le réjan l’a…