Deché-delé

Lè bi dzoua chon dè rètoua è l’invide dè kurtiyi achebin. Ma baye-tè achyin! La nê pou rèvinyi…

Du le mi dè fèvrê, ou premi ré dè chèlà, on vê di bi botyè din lè magajin. Mimamin di pyanton po le kurti. N’in d’a todelon ke chè fan a prindre è k’atsiton ma… bin tru rido! To le chavê dè nouthrè j’anhyan irè pâ po rin tyédè! Fô djamé ithre tru prèchâ dè pyantâ. Ma po lè komêrche, l’è ‘na boun’afére dè vindre dou kou!

Hou dzoua dè furi, hou vatsè fro, hou j’oji ke tsanton, hou botyè ke chayon, hou dzordi ke bordzenon, hou ré dè chèlà ke rètsàdon,… tinke dè tyè no rèdzoyi po Pâtchè. È dyora, lè mayintsètè ke van rèvinyi tsantâ dè méjon in méjon.

A vo totè è ti, i vo kouâjo on galé furi. Ke chi rènovi vo bayichè prà dè dzouyo, dè fôri, dè ré dè lumyére po pachâ di balè Fithè dè…