Deché-delé

Chti an, la tropa dè tèâtro di patêjan de la Grevire, l’a pyéji grô dè vo prèjintâ cha novala pithe. Ouna galéja è fêna fâcha dzuyête pê di dzouno è di min dzouno j’akteu ke chè rèdzoyon dè vo fére a pachâ ouna treya dè boun’imeu. Ha pithe l’è j’ou tranchlatâye è adaptâye in patê pê Dzojè Comba.

Cht’ichtouâre ke chè pâchè din ouna kabâna mômenâye pê l’oura è la ridyeu dè l’evê, l’è betâye chu lè lan pê Christine Overney Ruffieux è Marie Uldry. Ha gougenéta, vo farè a pyondji din la mètsanthe dè dou bregan a la rètsèrtsè d’on cha din letyin chè tràvè le butin dè lou brakâdzo. Kontrèyi pê l’arouvâye inprèyuva dè tourichto, vètinke dèvinyon on bokon mô-veri. In atindin d’oure vouthrè dzoyàjè rèkatalâyè, l’è avui avui chon galé fôri ke la tropa vo j’atin ou Kabarè dè la Gâre a…