Deché-delé

Pê bouneu ke n’in d’a rin-mé, dè hou modzon ke royivan lè j’infan po di rin. N’in d’avi yon, l’é konyu, ke betâvè chè Trikouni po fyêre pye farmo. Ou dzoua d’ora on chè dèmandè chin ke chè pâchèrè.

Lè bouébo lè pye grô, l’avan pâ tan pouêre. Chè dèfindan bin. On vouèton dè dodz’an, on bokon krapô kan mimo, chè fajê ouchtâ pye chovin tyè a chon toua. On bi dzoua, ke l’avan majalâ vêr-là, l’a yètâ on boudin dè chan, pâ kouè. L’a dzubyâ din chè tsôthè pu l’a keminhyi a dèfyâ le réjan. Bin chure ke chi- inke l’a inpunyê pu l’i a bayi chu lè metsè. L’è arouvâ chin ke le gamenè moujâvè: le chan l’a keminhyi a dèpourâ avô lè kuchè. «Fo-mè ton kan a la méjon!» ke l’i fâ le môfità. L’i è chobrâ dou dzoua, tantyè ke le réjan, to kakeu, arouvichè intye-là, ch’intrèvâ dè chè novalè.

Di…