Deché-delé

Po trovâ di bi botyè, vo fô alâ i Mortê ou mi dè juyè. Chti’an, chon poutithre on bokon in rètâ, ma bon, fô l’i alâ. L’è on indrê bènirà, ouna rèjêrva dè rèthèta.

Le rê, oubin la rêna, chin dèpin, l’è la rê d’ouâ, la hyour- dè li di montanyè, a Erbivouè l’i dyon la poma d’ouâ, in franché l’è le «lis martagon». Din le viyo tin, n’ in fajan on rèmêdo po lè vatsè ke l’avan dou mô dè chè nètèyi apri le vilâdzo. L’è pâ la mima hyà, biantse è grahyàja , ke chè tràvè a la Din dè Li.

On tro d’avô dou tsalè di Marindè, l’i a di tsan dè j’oyè frindyi, ke lou dyon achebin lè dzeroflêyè dè fin. Chon to frelè, mintholè, bian, on mèrâhyo po lè j’yè.

In kontre Foyèran, tota modèchte, chè katsè la bal-èthêla. L’è inke ke fô la vêre è chuto pâ la ramachâ.

Arnika, dzanthanna, dê dè diâbyo, kapa…