Deché-delé

Lè rèvi in patê chon onko pye galé, tyè kan i chè dyon in franché. L’an mé dè mujika, è on pou dre prà dè bougrachèri, di tsoujè k’on arè dou mô a dre in franché. L’i a di lêvro ke n’in d’an dza bin dèvejâ. I vu pâ rèprindre to chin, ma djuchto mè chovinyi di rèvi a ma dona. N’in d’avê kotyè j’on, è mimamin dè hou ke l’avi invintâ.

Ou furi, kan i fajê di travê dè tin kemin no j’an chti an, kan la nê, l’oura, la bije è le chèla dzuyivan a la bàra intrè lè nyolè; ma dona dejê: «La nê chu lè kurti, l’è le fèmê di pouro.» L’è achebin li ke dejê, a ha dzouna dama ke bramâvè kontre le chon dou lujé: «Le lujé dè vouè, l’è le lathi dè dèman!» On outon, ke no j’avan de la frete a pâ chavê tyè n’in fére: «No j’an totafé tru prèyi i Rogachyon!»

A propou dè maladi; ma dona irè tsêya, i…