No l’i chin d’uche a dou dzoua, a chi Tsalandè dou-milevint’yon. A vo ti, bounè dzin dè vêr-no, i vo kouâjo dè pachâ di balè fithè, din la Pé è le Bouneu.

Din nouthron bi payi, no j’an la tsanthe d’avê la Pé du l’i a grantin. Le Bouneu, l’è achebin a no dè le mantinyi. Kan on moujè ke l’i a tan dè payi in dyêra è mijèrâbyo. No fô no kontintâ dè chin ke no j’an, è no j’an proumatêre. Chin Nikolé n’è pâ jou avâro è la boutekè chon adi pyênè dè trèjouâ.

Adon, po vouêrdâ chi Bouneu in boun’ètha, chàbrin dzoyà è konfyin. Tâtsin d’oubyâ ha drôla dè «pèchta» ke pâchè intye-no, nouthron korâdzo la farè kapounâ!

A vo, ke vo j’i le korâdzo dè yêre ha biyôta ti lè dechando, in patê: Galé è Dzoyà Tsalandè! ANNE MARIE YERLY

Ecoutez cet article en patois et en français www. lagruyere.ch