On kri dou kà
I âmo vouthra bala kotse, chè dzin, chè payijâdzo, chè kothemè, mimamin che l’é j’ou fôta dè tin po meretâ la konfyanthe è l’amihyâ dè mè vejin.

Ou bè dè chat’an, mè chinto fêrmo bin inke, ou mitin di djithè, di j’èthuvè, di j’oji, avui mè chê tchivrè, mè dzeniyè, la tsata, le kurti ke l’é dèfritchi è le Moléjon in léve.

La fitha po lè than t’an dè la Chochyètâ di j’Armayi dè la Grevire l’è j’ou l’èpâhyo dè méjerâ mon amour por ha têra.

Pê mâlà, i pu pâ chobrâ din le piti tsalè, ch’n’èthrabyè, chon patyi yô mè bedyètè è mè no j’ iran tan bèniràjè.

Che tràvo pâ on’ôtro èthrâbyo i tchivrè dèvan la fin dou tsôtin, mè fudrè dre «Adyu» a mè miyè ke tsevroton è ke bayon on tan bon lathi, a ma ya ruchtika (la ya vertâbya), a mon viyo chondzo. Chin cherê kemin muri.

Adon, che vo…