Deché-delé

Kan i prenyé lè man dè Mére-Gran po lè charâ din lè mâyè, kemin èthê dà d’achintre cha douhyà. Kemin èthê bon dè chintre cha tsourlèta.

Chè j’onyè èthan to t’oujâyè è cha pi plithâye è ritse. Chè man ke tinyé charâyè, mè fajan tan dè bin, mè rètsoudâvan le kà .

Mére Gran èthê totêvi chorèprêcha dè mè vêre prindre chè man,

Irè por mè on gran momin dè bouneu. Mére Gran mè vuityivè, chondjàja,

Volê chavê todzoua che l’avé fan è chê. Volê todoulon chavê che mè mankâvè otyè.

N’oujâvo pâ li dre a tyin poin l’amâvo, adon, léchivè to dè dà rèteri dàthamin chè man po mè chêrvi ouna bouna tacha dè kâfé nê.

Bouna Fitha a totè nouthrè donè!

GÉRARD RIME A TÔNON, TSÊRMÊ

Ecoutez cet article en français et en patois sur www.lagruyere.ch