Deché-delé

Bala tsapala, lé-hô chu la montanye, bâti chu on’inrouno, cholitéra, on tè vê a l’éje, on tè vê dzoyàja, on tè vê fyêrta dè no mothrâ te n’èlègan potré ke chè fôfelè din la yê. Ton hyotchi mé d’on kou thantenéro chinbyè chorire ou chèlà.
La montanye l’è rujâye, rijida, ma môgrâ tan d’orâdzo ke bin chovin fan gurlâ tè viyè pêrè è frebiyi ta pitita hyotsèta. T’i todzoua prèjinta è l’unike andze gardyin dè chi yu apèjin è tsanpithro.

Arouvè du tin j’in tin ke na râye dè Chin Martin èhyirè te n’ouchtâ, pê l’intrèmêcha d’na pitita fenèthrèta.

Galéja tsapala, lé-hô chu la montanye, fâ gelenâ ta hyotsèta ke va rèthrenâ tantyè pri di vani è rinvouyi moduamin chon tsan, daveron lè patchi è lè tropi. A l’onbro dè ton hyotchi, no puin no rèpojâ, inke a la chourche du bouneu. On bi chunyo…