Deché-delé

No j’an dè tyè no j’innorgoyi, din nouthron tyinton dè Friboua. Nouthrè bredzon è dzakiyon chon parto bin rèchu, bin portâ è bin chonyi.

Mè chovinyo, din lè j’an thinkanta, lè bredzon iran adi bin portâ, le viyo po la chenanna è «le bon» po la demindze. Du Pâtyè tantyè a Tolèchin. D’evê, irè le triko è lè tsôthè in frotson. La chenanna, la tsemije irè bleuve ma la demindze irè byantse. Le bredzon di j’omo l’a kan mimo vouêrdâ chè lètrè dè noubyèthe. L’è adi bin portâ intye-no.

Lè damè dè hou tin inke, kan i dèvechan le betâ, por ouna fitha, ou bin por alâ tsantâ, terivan on viyo dzakiyon du lè taréchè, pu le betâvan dinche, chovin chavouètâ è néji. I dejan ke chin irè mô chejin.

Anfin, le dzakiyon di damè ch’è rèvèyi, pê bouneu! Ou dzoua d’ora la matêre l’è techotâye chu…