Ichtouâre d’oji

On oji fèrmo galé, chi piti tsêdziniolè. N’in d’a pou ke l’an atan dè balè kolà. On lè vê pye chyâ d’evê, in binda. Chi l’oji âmè bin lè gran dè tsêrdon, d’ayeu, l’è a kouja dè chin ke l’an nonmâ dinche. Adon, èthenâdè vo pâ che lè dzin dè mon velâdzo l’an rèyi chi non po le kà ke tsantè in bredzon è in dzakiyon.
To le mondo konyè nouthron chorènon, lè j’âno! Lè j’âno âmon bin lè tsêrdon, ke dyon. Lè tsêrdziniolè tsanton galéjamin, lè j’âno a duvè piôtè achebin.

A pou pri dou j’an dè tin ke l’an j’à le bè hyou; a kouja dè chi fameu Covid. L’an rèkeminhyi a rèkordâ chti tsô-tin, fâ ridamin dou bin.

Ache, kemin i medzon rin dè tsêrdon, i van organijâ ouna «dzornâ-raclette» le djij-è vouète dè chaptanbre. Che vo j’i fan dè rè-oure lè Tsêrdziniolè, vinyidè pire lè trovâ. Vo…