Deché-delé

Mèrthi! l’è on piti mo to chinpyo, ma nekoué pêjè lordo.

Ch’mè potè l’èchprimon avu douhyà, l’è ke chi mèrthi chayè to drê dou fon dè mon kà.

On grô mèrthi ou on piti mèrthi pou inpouârtè, cha taye n’a pâ dè grochyà.

K’on mèrthi chè bayè chê din le dzouyo ou chê din l’abatèmin, l’è toparê on chunyo dè rèkonyechanthe, on chunyo ke ne konyè pâ l’indiférinthe, on chunyo bin partikuyi.

Chavê dre mèrthi, l’è todzoua on piti mo ke fâ dou bin kan l’è prononhyi d’na bouna manêre, d’na bouna fathon è chuto ke fâ pyéji i pèrchenè chatsan le rèchouêdre.

L’è onkora on piti mo grahyà k’apéjè è rèdzoyè lè dzin. Dè nouthrè dzoua, maliràjamin, di ronyè, chovin po pou dè tsoujè, léchon onkora la mindra dè brâjè pâ dèhyintè, adon dinche, difichilo d’adrèhyi chi galé mo: mèrthi.

Ora, a totè è a…